لاک ڈاؤن میں سادگی سے منایا سچن نے اپنا47واں یوم پیدائش

ممبئی ؍کرکٹ آئکن سچن رمیش تندولکر نے کورونا وائرس کے خطرے کی وجہ سے ملک بھر میں لاگو لاک ڈاؤن کے درمیان گھر پر ہی رہتے ہوئے اپنی ماں کے آشیرواد کے ساتھ اپنا 47 واں یوم پیدائش منایا۔سچن نے سوشل میڈیا پر تصویر شئیر کرتے ہوئے کہا کہ میں نے اپنے دن کا آغاز ماں کے آشیرواد کے ساتھ کیا اور ماں کی طرف سے دی گئی گنپتی بپا کی بھی تصویر شئیر کر رہا ہوں جو انتہائی قیمتی ہے ۔آج ہی کے دن مہاراشٹر کے ممبئی میں پیدا ہوئے تندولکر نے 16 سال کی کم عمر میں ہی اپنا پہلا بین الاقوامی مقابلہ کھیلا تھا۔انہوں نے سال 1989 میں پاکستان کے خلاف کراچی میں پہلا مقابلہ کھیلا تھا۔سچن کی سالگرہ کے موقع پر کئی کھلاڑیوں اور دیگر مشہور شخصیات نے انہیں مبارک باد دی ہے ۔سابق دھماکہ خیز بلے باز وریندر سہواگ نے اپنے انداز میں سال 2007 اور 2011 ورلڈ کپ کی تصویر شئیر کرکے سچن کو مبارکباد دیتے ہوئے کہا کہ یہ سچ ہے کہ یہ عظیم شخص بلے بازی کرتے وقت ہندستان میں وقت روک سکتا تھا لیکن سب سے بڑی تحریک سچن پا جی کا کیریئر ان دو تصاویر میں شامل ہے ۔خاص طور پر مشکل وقت میں یاد رکھنے کی بہت ضرورت ہے کہ ہر مصیبت کے بعد جیت آتی ہے ۔ہندستانی کپتان وراٹ کوہلی نے بھی سچن کے ساتھ اپنی تصویر شئیر کرتے ہوئے کہا کہ اس انسان کو سالگرہ کی مبارکباد جس کے کرکٹ کے تئیں جذبہ نے بہت سے لوگوں کو حوصلہ افزائی کی۔ آپ کا آنے والا کل شاندار ہو پا جی ۔محدود اوورز کی ٹیم کے نائب کپتان روہت شرما نے بھی انہیں مبارکباد دیتے ہوئے کہا کہ عظیم کھلاڑی کو سالگرہ کی بہت مبارک۔