ٹیولپ فیسٹول آج سے شروع ہوگا

 سرینگر//لیفٹیننٹ گورنر کے مشیر بصیر احمد خان نے کل ایس کے آئی سی سی میںآج سے شروع ہونے والے گلِ لالہ فیسٹول کے حتمی اِنتظامات کا جائزہ لینے کے لئے ایک میٹنگ کی صدارت کی۔میٹنگ میں ٹیولپ فیسٹول کے اَحسن اِنعقاد کے لئے رکھے گئے منصوبوں اور ٹریفک منصوبہ ،کووِڈ پروٹو کال مینجمنٹ ، گاڑیوں کی پارکنگ ، علاقہ کی روشنی ، فائر اینڈ ایمرجنسی، طبی اور پینے کے پانی کی سہولیات، صفائی ستھرائی اور دیگر سہولیات کی فراہمی وغیرہ شامل ہیں۔ لیفٹیننٹ گورنر منوج سنہا ٹیولپ فیسٹول کے مرکزی تقریب کے موقعہ پر مہمان خصوصی ہوں گے جو شام 3 بجے شروع ہوگا اور شام 8 بجے تک جاری رہے گا۔ بعد میں لیفٹیننٹ گورنر آر نیمنٹل چیری تھیم گارڈن ( ایس اے کے یو آر اے ) کا سنگ بنیاد رکھیں گے۔ میٹنگ میںصوبائی کمشنر کشمیر پی کے پولے ، کمشنر سیکرٹری سیاحت سرمد حفیظ ، کمشنر سیکرٹری پھولبانی شیخ فیاض احمد ، ڈپٹی کمشنر سری نگر اعجاز اسد ،ناظم سیاحت جی این ایتو، کمشنر ایس ایم سی ، سپراِنٹنڈنٹ آف پولیس، ٹریفک اور دیگر لائن محکموں کے سربراہان نے شرکت کی۔دوران میٹنگ مشیرموصوف نے تمام متعلقہ اَفسران پر زور دیا کہ میلہ کو ایک شاندار تقریب بنانے کے لئے ہم آہنگی اور تعاون سے کام کریں۔ اُنہوں نے کہا کہ ٹیولپ فیسٹول اَپنی نوعیت کا پہلا میلہ ہے اور توقع کی جاتی ہے کہ موسم بہار کے آغاز کے ساتھ ہی سیاحت کے شعبے میں اس کے دور رس نتائج ثابت ہوں گے۔صوبائی کمشنر نے مشیر موصوف کو جانکاری دی کہ ملک اور بیرونِ ملک سیاحوں کی بڑی تعداد کو راغب کرنے کے لئے گل لالہ فیسٹول کو وسیع پیمانے پر تشہیر کی گئی ہے۔مشیرموصوف نے ڈائریکٹر ہینڈکرافٹس اینڈ ہینڈ لومز کو ہدایت دی کہ وہ دستکاری اور ہینڈلوم مصنوعات کے سٹال لگائیں جس میں میلے میں اضافی خصوصیت حاصل ہوگی۔مشیر نے جے کے ٹی ڈی سی کوہدایت دی کہ وہ جموں و کشمیر کے مشہور پکوانوں اورضافیتوں کی نمائش کریں ۔ مشیر نے افسران کو ہدایت دی کہ وہ احتیاط سے منصوبہ بندی کریں تاکہ سیاحوں کو میلے کے دوران کسی قسم کی مشکل کا سامنا نہ کرنا پڑے۔ مشیر موصوف نے متعدد مقامات اور باغ میں ہی کووِڈ کنٹین منٹ اقدامات کے لئے سختی سے عمل کرنے پر زور دیا۔تما م سیاحوں کو ماسک پہننے کے لئے رضاکاروں کو باغ میں تعینات کریں توکہ وہ ماسک پہننے کو یقینی بنائیں۔ مشیر نے کمشنر ایس ایم سی کو ہدایت دی کہ وہ مقام اور اس کے آس پاس کے صفائی ستھرے عملے کو تعینات کرے اور اس علاقے میں کوڑا دان اور موبائل بیت الخلاء لگانے کے علاوہ صفائی کی مہم پہلے سے چلانے کی ہدایت دی۔چیف انجینئر پی ڈی ڈی کو ہدایت کی گئی کہ وہ علاقے کی بلاتعطل بجلی کی فراہمی اور روشنی کو یقینی بنائے۔مشیر نے پی ایچ ای کے افسران کو بھی ہدایت دی کہ وہ پینے کے پانی کی سہولیت کی ضرورت کو پورا کرنے کے لئے قریبی مقامات پر پانی کے ٹینکرس موجود رکھیں۔مشیر نے سٹیج آرگنائزوں کے ذریعہ لائٹ اور ساؤنڈ سسٹم کے علاوہ سیٹ بنانے ، سماجی دوری کے انتظامات کے ساتھ بیٹھنے کے سلسلے میں کئے گئے انتظامات کا بھی جائزہ لیا۔میلے کے دوران ، ثقافتی اور میوزیکل پروگرام بھی پیش کئے جائیں گے۔

نیوز ڈیسک 

سرینگر// ٹریفک پولیس نے ٹیولپ فیسٹول کے سلسلے میں ٹریفک پلان پرتب کیا ہے ۔ایس ایس پی ٹریفک کی طرف سے جاری بیان کے مطابق 3اور 4اپریل کو ٹیولپ فیسٹیول کے پیش نظر توقع کی جاتی ہے کہ بڑی تعداد میں گاڑیاں اس جگہ پر پہنچیں گی جو بھیڑ پیدا کردے گی۔ بھیڑ سے بچنے کیلئے بیلوارڈ پر یکہ طرفہ ٹریفک چلے گا۔ٹریفک پلان کے مطابق ٹولپ گارڈن آنے والی گاڑیوں کو لال چوک سے حضرت بل ،فور شو روڈ ،نشاط سے ہوتے ہوئے ٹیولپ گارڈن پہنچنا ہوگا جبکہ واپسی پر ان گاڑیوں کو ڈلگیٹ سے ہوتے ہوئے لال چوک کا روٹ اختیار کرنا ہوگا ۔ٹریفک کو بڈیاری کراسنگ ڈلگیٹ ،یو این او کراسنگ اور کپکار کراسنگ سونہ وارسے موڈ دیا جائے گا جبکہ مسافروں سے کہا گیا ہے کہ وہ حضرت بل لال بازار روٹ یا رعناواری حضرت بل روٹ کا راستہ اختیار کرسکتے ہیں ۔لوگوں سے کہا گیا ہے کہ وہ روٹ پلان پر عمل کریں ۔گاڑیوں کی پارکنگ کیلئے بوٹینکل گارڈن ،کرالہ سنگری میں خالی زمین ،ایس کے آئی سی سی ،رائل سپرنگس گالگ کورس اور نشاط میں لائوڈا پارکنگ دستیاب رکھی گئی ہے۔