لمبی دوری کی 51 ٹرینیں منسوخ

 نئی دہلی //وزارت ریلوے کا کہنا ہے کہ کورونا کی وجہ سے لوگوں نے بڑی تعداد میں ٹرینوں میں سفر کرنا بند کردیا ہے اور خاص کر ٹرینوں کے ذریعہ لمبا فاصلہ طے نہیں کر رہے ہیں۔ وزارت ریلوے کا کہنا ہے کہایک مہینہ پہلے روزانہ تقریباً 20 لاکھ سے زیادہ لوگ ٹرینوں میں روزانہ ریزرویشن کیا کرتے تھے جو اب صرف 5لاکھ روزانہ رہ گئے ہیں۔ریزر ویشن میں بڑی تعداد میں ریلوے مسافروں کی کمی کوویڈ میں اضافے کی وجہ سے ہوئی ہے اور محکمہ ریلوے نے باقاعدہ ٹرینوں ، خاص طور پر لمبی دوری کی مسافتوں کی ٹرینوں کو جمعرات کی شب سے بند کردیا۔ دہلی میں ، ناردرن ریلوے نے دارالحکومت آنے اور جانے والی 28 ٹرینیں منسوخ کیں ، جن میں راجدھانی سے چنئی اور بلاس پور ، شتابدی سے چندی گڑھ ، کاٹگوڈم ، کولکتہ شامل ہیں۔ ڈورونٹو سے جموں اور اس طرح کی دیگر لمبی مسافتوں کی ٹرینیں بھی منسوخ کی گئیں ہیں۔ عہدیداروں نے بتایا کہ وسطی ، جنوبی اور دیگر جیسے علاقوں نے بھی یہی صورتحال ہے۔محکمہ کا کہنا ہے کہ ریزرویشن میں کمی کی وجہ سے ٹرینوں کی مانگ میں بہت زیادی کمی ہوئی ہے لہٰذا ٹرینیں منسوخ کرنا پڑیں۔سنٹرل ریلوے نے 23 مسافر ٹرینوں کو منسوخ کردیا ہے۔ ان میں 29 جون تک ناگپور۔کولہا پور خصوصی ، یکم جولائی تک سی ایس ایم ٹی کولہا پور خصوصی ، 30 جون تک سی ایس ایم ٹی پونے خصوصی شامل ہیں۔ متعدد ریاستوں نے ریلوے کو شہروں کے اندر چلنے والی MEMUs اور DEMUs کو بند کرنے کے لئے بھی خط لکھا ہے مغربی بنگال کی ایک درخواست کی بنیاد پر ، کوویڈ میں اضافے کے پیش نظر مضافاتی خدمات معطل کردی گئیں ہیں۔ وزارت ریلوے کے ایک سینئر عہدیدار نے بتایا ، "چونکہ ریزرویشن کم ہے ، لوگ سفر نہیں کررہے ہیں ، اس لئے بکنگ کی تازہ ترین پوزیشن کو دیکھتے ہوئے ریزر ویشن والی متعدد ٹرینیں عارضی طور پر بند کرنے کا فیصلہ کیا گیا ہے۔ تاہم سبھی لمبی دوری والی ٹرینوں کو معطل کرنے کا کوئی منصوبہ نہیں ہے۔ عہدیداروں نے بتایا کہ جن راستوں پر باقاعدہ ٹرینوں کو فی الحال بند کردیا گیا ہے ان کے پاس سفر کرنے کے خواہاں کسی بھی مسافر کو پورا کرنے کے لئے دوسری ٹرینیں موجود ہیں۔