یونیسیف اور محکمہ تعلیم کے تعاون سے ’ٹیک اٹ ایزی‘ کا پری لانچ

سرینگر//نالندا وے فاؤنڈیشن نامی تنظیم جوتنظیم جو ہندوستان میں پسماندہ طبقوں کے بچوں کی مدد کے لیے بصری اور پرفارمنگ آرٹ کا استعمال کرتی ہے، نے یونیسیف اور محکمہ تعلیم کشمیر کے تعاون سے ’’ٹیک اٹ ایزی‘‘ پروگرام کی پری لانچ تقریب کا اہتمام کیا۔ تقریب گورنمنٹ گرلز ہائیر سیکنڈری اسکول کوٹھی باغ سرینگر میں سنیچر صبح 11 بجے ہوئی۔ پروگرام کا آغاز مہمان خصوصی ڈائریکٹر سکول ایجوکیشن کشمیر ڈاکٹر تصدق حسین میر نے کیا اور ڈائریکٹوریٹ کی کلچرل ونگ کے ساتھ انوویشن اینڈ کونسلنگ سیل کی ٹیموں نے شرکت کی۔ تقریب کے دوران اس پروجیکٹ کو کشمیر میں طلباء اور اساتذہ سے متعارف کرایا گیا۔'ٹیک اٹ ایزی' ایک ایسا پروجیکٹ ہے جس کا مقصد 13-17 سال کی عمر کے نوجوانوں کی ذہنی صحت اور تندرستی کو حل کرنا ہے۔ اس میں کہانی سنانے کا ایک جدید طریقہ کار استعمال کیا گیا ہے، جہاں دو کردار تفریحی اور دلچسپ کہانی میں نوعمروں کے مسائل پر تبادلہ خیال اور حل کرتے ہیں۔ طلباء اس نمبر (9266617888) پر مس کال دے سکتے ہیں۔ ایک خودکار کال ان کے موبائل فون پر واپس کردی جاتی ہے اور دن کی کہانی چلائی جاتی ہے۔ ہر کہانی تقریباً 5 منٹ لمبی ہے۔ اسی طرح کی کہانیاں نوعمروں کے ساتھ کام کرنے والے اساتذہ کے لیے بنائی جائیں گی اور چلائی جائیں گی تاکہ انہیں تناؤ سے نمٹنے اور ان کی صحت کو بڑھانے میں مدد ملے۔پری لانچ ایونٹ کے بعد، ٹیک اٹ ایزی فون ان پروگرام 22 نومبر 2021 کو جموں و کشمیر، بہار اور جھارکھنڈ میں شروع کیا جائے گا۔