انسداد تجاوزات مہم؛جموں میں پتھر بازی اور تشدد کے الزام میں 5گرفتار

جموں// جموں کے ملک مارکیٹ علاقے میں انسداد تجاوزات مہم کے دوران ہوئی پتھر بازی اور تشدد کے خلاف درج ایک مقدمہ کے سلسلے میں 5افراد کو گرفتار کر لیا ہے۔
پولیس کے ایک ترجمان نے بتایا،”جموں میں تجاوزات مخالف مہم کے دوران پتھراو اور تشدد کے سلسلے میں 5 کو گرفتار کیا گیا ہے جبکہ 4 کو پوچھ تاچھ کیلئے حراست میں لیا گیا ہے۔
یاد رہے کہ سنیچر کی دیر شام جموں کے ملک مارکیٹ علاقے میں انسداد تجاوزات مہم کے دوران پرتشدد مظاہرے بھڑک اٹھے، جن میں کئی پولیس اہلکار زخمی ہوئے تھے اور درجن بھر گاڑیوں کو نقصان ہوا تھا۔
تفصیلات کے مطابق، یہ انہدامی کاروائی جموں وکشمیر حکومت کی جانب سے جاری کی گئی انسداد تجاوزات مہم کے تحت کی گئی تھی، جس کے زریعے جموں وکشمیر میں لوگوں کے زیرِ قبضہ سرکاری اراضی کو بازیاب کرایا جا رہا ہے۔
اس سلسلے میں مزید تفصیلات کا انتظار ہے۔