عشرت حسین بٹ

پونچھ// مغل شاہراہ پر بکریاں چراتے ہوئے ایک پہاڑی سے گر کر ضلع گاندر بل کا ایک 20 سالہ نوجوان لقمہ اجل بن گیا ہے۔
پولیس ذرائع نے بتایا کہ جمعہ کو سہ پہر مغل شاہراہ پر پنار پل کے قریب گاندربل ضلع سے تعلق رکھنے والا ایک نوجوان بکریاں چراتے ہوئے پہاڑی سے پھسل کر گرنے سے لقمہ اجل بن گیا ہے۔
ایس ایچ او سرنکوٹ مختار علی نے بتایا کہ متوفی مغل شاہراہ پر پنار پل کے نزدیک بکریاں چرا رہا تھا کہ اس کا پاوں پھسل گیا اور وہ گر کر موقع پر ہی ہلاک ہوگیا۔
انہوں نے متوفی کی شناخت سلطان ولد فاروق سالانہ کنگن ضلع گاندر بل کے طور پر کی ہے۔
ان کا کہنا تھا کہ پولیس کی مدد سے متوفی کی نعش کو قانونی لوازمات کے لیے سب ضلع ہسپتال سرنکوٹ پہنچایا گیا ہے۔