عظمیٰ ویب ڈیسک
سرینگر /گزشتہ 11 سالوں میں ملک نہ صرف سب سے تیزی سے ترقی کرنے والی بڑی معیشت بن گیا ہے بلکہ آب و ہوا کی کارروائی اور ڈیجیٹل اختراع جیسے اہم مسائل پر ایک اہم عالمی آواز بھی ہے کی بات کرتے ہوئے وزیر اعظم نریندر مودی نے کہا کہ ہم امید، اعتماد اور ایک نئے عزم کے ساتھ وکست بھارت کی تعمیر کیلئے آگے بڑھ رہے ہیں۔
وزیر اعظم نریندر مودی نے این ڈی اے حکومت کے تحت گزشتہ گیارہ برسوں میں ہندوستان میں رونما ہونے والی نمایاں تبدیلیوں پر روشنی ڈالی۔انہوں نے اس بات پر زور دیا کہ 140 کروڑ ہندوستانیوں کی اجتماعی شراکت کی حمایت سے اچھی حکمرانی اور تبدیلی پر واضح توجہ نے مختلف شعبوں میں تیزی سے ترقی کی ہے۔’سب کا ساتھ، سب کا وکاس، سب کا وشواس، سب کا پریاس‘ کے اصول کی رہنمائی کا تذکرہ کرتے ہوئے وزیر اعظم نے کہا کہ این ڈی اے حکومت نے اس اصول پر عمل پیرا رہتے ہوئے رفتار، معیار اور حساسیت کے ساتھ شاندار تبدیلیاں دیکھی ہیں۔
وزیر اعظم مودی نے اس بات پر زور دیا کہ معاشی ترقی سے لے کر سماجی ترقی تک، حکومت نے عوام پر مرکوز، جامع اور ہمہ جہت ترقی کو ترجیح دی ہے۔انہوں نے کہا کہ ہندوستان آج نہ صرف سب سے تیزی سے ترقی کرنے والی بڑی معیشت ہے، بلکہ تبدیلی آب و ہوا کے اثرات کو کم کرنے کی کوششوں اور ڈیجیٹل اختراع جیسے اہم مسائل پر ایک اہم عالمی آواز بھی ہے۔
مودی نے کہا کہ ’’ہمیں اپنی اجتماعی کامیابی پر فخر ہے لیکن اس کے ساتھ ساتھ ہم امید، اعتماد اور ایک نئے عزم کے ساتھ وکست بھارت کی تعمیر کے لیے آگے بڑھ رہے ہیں‘‘۔وزیر اعظم نے ایکس پر پوسٹ میں لکھا ’’اچھی حکمرانی اور تبدیلی پر واضح توجہ! ایک سو چالیس کروڑ ہندوستانیوں کے آشیرواد اور اجتماعی شرکت سے ہندوستان نے مختلف شعبوں میں تیزی سے تبدیلیاں دیکھی ہیں۔
سب کا ساتھ، سب کا وکاس، سب کا وشواس، سب کا پریاس کے اصول کی رہنمائی میں، این ڈی اے حکومت میں رفتار، معیار اور حساسیت کے ساتھ شاندار تبدیلیاں رونما ہوئی ہے‘‘۔انہوں نے مزید لکھا ’’ معاشی ترقی سے لے کر سماجی ترقی تک، لوگوں پر مرکوز، جامع اور ہمہ گیر ترقی پر توجہ دی گئی ہے‘‘۔
اس نے نوٹ کیا کہ 81 کروڑ سے زیادہ لوگوں کو مفت اناج مل رہا ہے، 15 کروڑ سے زیادہ گھرانوں کو نل کے پانی کے کنکشن ملے ہیں، غریبوں کے لیے چار کروڑ سے زیادہ گھر بنائے گئے ہیں، 12 کروڑ بیت الخلا بنائے گئے ہیں، 68 لاکھ اسٹریٹ وینڈرز کو قرضے ملے ہیں، چھوٹے کاروباریوں کو 52.5 کروڑ قرض دیے گئے ہیں، اور 20 کروڑ خواتین کو مختلف اسکیموں کے تحت نقد امداد دی گئی ہے ۔
این ڈی اے کے 11 برس: ملک سب سے تیزی سے ترقی کرنے والی بڑی معیشت بن گیا ہے :وزیر اعظم مودی
