کم جونگ کے ساتھ 12جون کو سربراہ کانفرنس: ٹرمپ

واشنگٹن//امریکی صدر ڈونالڈ ٹرمپ نے آج پیانگ یانگ سے آئے سینئر افسر کم یونگ چول سے ملاقات کے بعد کہا کہ شمالی کوریا کے لیڈر کم جونگ کے ساتھ 12 جون کو سنگاپور میں ہونے والا مجوزہ سمٹ اپنے طے پروگرام کے مطابق ھوگا.مسٹر ٹرمپ نے اس کانفرنس کو لے کر مسٹر چول سے ملاقات کرنے کے بعد وائٹ ہاؤس کے احاطے میں صحافیوں سے کہا، "مجھے لگتا ہے کہ یہ شاید ایک بہت ہی کامیاب اور آخر کار ایک کامیاب عمل ہونے جا رہاہے ''۔ اس سے پہلے وائٹ ہاؤس میں مسٹر چول نے امریکی صدر سے ملاقات کی۔ مسٹر چول نے اپنے لیڈر کم جونگ کا ایک خط بھی مسٹر ٹرمپ کو دیا۔ یہ قابل ذکر ہے شمالی کوریا کی فوج کو مضبوط بنانے میں سینئر افسر کم یونگ چول کے کردار کی وجہ سے امریکہ نے ان پر پابندی لگادی تھی۔اس کے علاوہ امریکی وزیر خارجہ مائیک پومپیو اور شمالی کوریا کے سینئر افسر کم یونگ چول کے درمیان نیویارک میں دو دن تک جاری رہی بات چیت کل ختم ہو گئی.مسٹر پومپیو کے مطابق صدر ڈونالڈ ٹرمپ اور شمالی کوریا کے رہنما کم جونگ ان کے درمیان مجوزہ سمٹ کو لے کر شمالی کوریا کے حکام کے ساتھ بات چیت مثبت رہی۔ دریں اثنا دونوں ممالک اپنے رہنماؤں کے درمیان ممکنہ سربراہی اجلاس کی تیاریوں میں لگے ہوئے ہیں۔غور طلب ہے کہ تقریبا ایک ہفتے پہلے مسٹر ٹرمپ نے شمالی کوریا کے رہنما کم جونگ کے ساتھ 12 جون کو سنگاپور میں ہونے والی اپنی مجوزہ ملاقات منسوخ کرنے کا اعلان کیا تھا. جس کے بعد اس سربراہی اجلاس کے انعقاد کو لے کر کر تیز ہو گئے ہیں۔