غلام نبی رینہ
کنگن// بالی ووڈ سٹار اجے دیوگن نے جمعہ کو جموں و کشمیر پولیس کی یونیفارم میں شیئر کی گئی ایک نئی تصویر میں اپنے ’باجی راؤ سنگھم اوتار‘ میں پوز دے کر سوشل میڈیا پر ہلچل مچا دی ہے۔ پولیس کی وردی پہنے ہوئے، اداکار نے کمانڈوز، بکتر بند گاڑیوں کے ساتھ تصویر کشی کرتے ہوئے، اپنے مشہور کردار کے جوہر دکھائے۔ 55 سالہ اداکار نے تصویر کے کیپشن میں لکھا، “ڈیوٹی پر… دوبارہ” (On duty……Again)۔ یہ تصویر جموں و کشمیر میں روہت شیٹی کی فلم “سنگھم اگین” کی شوٹنگ کے دوران لی گئی تھی، فلم 15 اگست کو سینما گھروں میں ریلیز ہو گی۔
تصویر میں، اجے کالے رنگ اور جموں و کشمیر پولیس کی بلٹ پروف گاڑیوں کے ساتھ ، کشمیر کے برف پوش پہاڑوں کے ساتھ ایک شاندار پس منظر پیش کر رہے ہیں۔ روہت شیٹی نے سنگھم کے نئے عہدہ کو اجاگر کرتے ہوئے تصویر انسٹاگرام پر بھی شیئر کی۔ “باجی راؤ سنگھم! ایس ایس پی (ایس او جی) سپیشل آپریشنز گروپ… جموں و کشمیر پولیس… ‘سنگھم اگین’… جلد آرہے ہیں”۔سنگھم اگین”، روہت شیٹی کی پولیس یونیورس کی پانچویں فلم، 2014 کی فلم “سنگھم ریٹرنز” کا سیکوئل ہے۔ اس فلم میں دیپیکا پاڈوکون، ٹائیگر شراف، اکشے کمار، کرینہ کپور خان، رنویر سنگھ، ارجن کپور، اور جیکی شراف سمیت ستاروں سے بھرپور کاسٹ شامل ہیں۔بالی ووڈ نے کشمیر کے صحت افزا مقامات پر فلموں کی شوٹنگ دوبارہ شروع کردی ہے ۔اجے دیو گن ان دنوں سیاحتی مقام سونہ مرگ کے بالتل میں شوٹنگ میں مصروف ہیں ،وہ فلم ایک پولیس افسر کا رول نبھا رہے ہیں ۔فلم کے کچھ سین لال چوک اور زینہ کدل سرینگر میں بھی فلمائے گئے جس کے بعد 21مئی کو اجے دیو گن اگلے شوٹ کے لئے سونمرگ پہنچ گئے ۔ اجے دیو گن نے شوشل میڈیا پر ایک ویڈیو شیر کرتے ہوئے کشمیر میں اپنی آنے والی فلم سنگم اگین کی شوٹنگ کے دوران جموں کشمیر حکومت کا تہیہ دل سے شکریہ ادا کیا۔ انہوں نے حکام کے بغیر کسی رکاوٹ کے تعاون کیلئے شکریہ ادا کیا جس کی وجہ سے وادی کشمیر میں ایک کامیاب اور دلکش شوٹنگ ممکن ہوئی۔انہوں نے کہا کشمیر فلموں کے لئے ایک دلکش خوبصورت مقام ہے۔اضح رہے کہ صحت افزا مقام سونہ مرگ میں فلم بجرنگی بھائی جان ،جس میں بالی ووڈ کے سٹار سلمان خان نے ادا کار کا رول نبھایا جبکہ گذشتہ برس شاہ رخ خان نے دنکی فلم کی شوٹنگ سونمرگ اور گگن گیر میں کی۔
