عاصف بٹ
کشتواڑ //اپنے شہری فرض کو پورا کرنے کی غرض سے کشتواڑ ضلع میں دولہے ودلہن نے اپنی شادی کے دن ہونے والے عام لوک سبھا انتخابات کے پہلے مرحلے کی ووٹنگ کے دوران شادی کے لباس ملبوس ہو کراپنا حق رائے دہی استعمال کیا ۔ضلع میں سویپ مہم سے متاثر ہو کر ٹنڈا پٹنازی سے تعلق رکھنے والے نند لال ٹھاکر کے بیٹے راکیش ٹھاکر اور پتنازی تحصیل بونجواہ کے مسلی سے پریتم چند کی بیٹی شردھا دیوی نے اپنے جمہوری حق کو فخر کے ساتھ استعمال کیااور شادی کے دن اپنا ووٹ ڈالا۔ اپنی شادی کی تقریبات کے درمیان جوڑے نے انتخابی عمل میں حصہ لینے کے لئے وقت نکالا جو شہری مصروفیت اور جمہوری اقدار کے لئے ان کی گہری وابستگی کی عکاسی کرتا ہے۔ شادی کے لباس میں ووٹ ڈالنے کا ان کا فیصلہ نہ صرف جمہوریت کے لئے ان کے جوش و جذبے کی علامت ہے بلکہ ذمہ دار شہریت اور شہری شعور کی ایک متاثر کن مثال بھی ہے۔ روایتی شادی کے لباس میں سجی اپنی سیاہی والی انگلیوں کی نمائش نے اتحاد بااختیار بنانے اور یکجہتی کا ایک طاقتور پیغام دیا۔ راکیش اور شردھا نے اپنی کمیونٹی کے لئے ایک روشن مثال قائم کی یہ ظاہر کرتے ہوئے کہ ایک ذمہ دار شہری کے طور پر کسی کے فرض کو پورا کرنے کے لیے کوئی بھی موقع اتنا بڑا یا زیادہ مصروف نہیں ہوتا ہے۔
