ڈی پی سی کی خالی اَسامیوں پر ڈینٹل سرجنوں کی تقرری

 جموں//جموں کے ڈینٹل سرجن ڈاکٹر ایشا کوہلی نے ڈسٹرکٹ پروگرام کوآرڈی نیٹر وں کی خالی اَسامیوں کو پُر کرنے کے لئے ڈینٹل سرجنوں پر غور کرنے کی تجویز پر لیفٹیننٹ گورنر منوج سنہا کا تہہ دِل سے شکریہ اَدا کیا ہے جس کی حال ہی میں سٹیٹ ہیلتھ ایجنسی ( ایس ایچ اے ) نے تشہیر کی ہے ۔ 15 ؍ اگست 2021ء کو نشر ہونے والے ماہانہ ریڈیو پروگرام’’ عوام کی آواز‘‘ کی پانچویں قسط میں لیفٹیننٹ گورنر نے مختلف شعبہ ہائے فکرسے تعلق رکھنے والے شہریوں کی موصول ہونے والی اَنمول تجاویز اور خیالات پر روشنی ڈالی ۔ حکومت کی پالیسی اور پروگراموں میں معنی خیز تبدیلیوں اور مداخلتوں کا مطالبہ اور تجویز جس کا مقصد زیادہ مؤثر نتائج، طریقۂ کار کو احسن بنانا اور وسائل کا زیادہ سے زیادہ استعمال کرنا ہے۔اِ س بات کا مشاہدہ کرتے ہوئے کہ جموںوکشمیر آج اَپنے لوگوں کی ترقی اور خوشحالی کو یقینی بنانے میں اہم پیش رفت کر رہا ہے ۔ اَب یہ ہماری اِجتماعی ذمہ داری ہے کہ ہم جموںوکشمیر کے ہر طبقے کی یکساں ترقی کے لئے ہر محاذ پر ٹھوس اِقدامات کے ذریعے اِس خلا کو پُر کریں۔ اگر چہ کام شروع ہوچکا ہے ، ابھی بہت کچھ کرنا باقی ہے ۔ میں ہر مہینے کے تیسرے اتوار کا شدت سے انتظار کرتا ہوں تاکہ یوٹی حکومت کی کوششوں کو آگے بڑھایا جا سکے جو مجھے موصول ہونے والے خیالات اور تجاویز پر کام کر رہے ہیں۔دورانِ پروگرام لیفٹیننٹ گورنر نے ڈاکٹر ایشا کوہلی کی تجویز کا حوالہ دیتے ہوئے کہا کہ محکمہ صحت کو مناسب کارروائی کے لئے اِس مسئلے کو دیکھنے کی ہدایات جاری کی گئی ہیں۔ لیفٹیننٹ گورنر نے پروگرام ’’ عوام کی آواز‘‘ کے گزشتہ قسط کے اَپنے خطاب کو بھی یاد کیا جس میں اُنہوں نے خالی ڈینٹل سرجنوں کی بہت کم تعداد کا ذکر کیا ہے اور کہا کہ’’ مشن ‘‘ کے تحت ڈینٹل سرجنوں کو اَپنے کلینک کھولنے میں سہولیت فراہم کرنے کے لئے انہیں مالی اِمداد فراہم کرنے کا فیصلہ کیا گیا۔ڈاکٹر ایشا کوہلی نے لیفٹیننٹ گورنر کا شکریہ اَدا کیا جنہوں نے میری تجویز پر غور کیا اور اس کے بارے میں ’’ عوام کی آواز ‘‘ پروگرام میں ذکر کیا۔میں لیفٹیننٹ گورنر کا تہہ دل سے شکریہ ادا کرنا چاہتا ہوں جنہوں نے اپنا قیمتی وقت بچایا اور بیچلر آف ڈینٹل سرجری میں شمولیت کے لئے میری تجویز کو ڈسٹرکٹ پروگرام کی اَسامی کی خاطر ضروری اہلیت سمجھا ۔ایشاء نے اطمینان سے کہا کہ حال ہی میں سٹیٹ ہیلتھ ایجنسی کی طرف سے اِس سلسلے میں اشتہار دیا گیا۔انہوں نے مزید کہا، ’’ میں بہت خوشی ہے کہ لیفٹیننٹ گورنر نے خود دیکھا کہ ڈینٹل سرجنز اپنے نصاب کے ایک حصے کے طور پر ایم بی بی ایس کے مضامین کا مطالعہ کرتے ہیں اور اس وجہ سے ، ہمیں اس طرح کے عہدوں کے لئے اہل بنانا پورے جموں و کشمیر میں بہت سے ڈینٹل سرجنوں کے لئے روزگار کے مواقع پیدا کرے گا جنہیں بہت سی مشکلات کا سامنا ہے۔‘‘ڈاکٹر ایشا نے مزید کہا کہ کووِڈ۔ 19 کے ان نازک اوقات میں جموں و کشمیر میں صحت کی دیکھ ریکھ کے نظام کو بہتر بنانے میں ڈینٹل سرجنوں کی صلاحیت اور علم کو اِستعمال کیا جا سکتا ہے۔