ڈی سی رام بن کا بٹوٹ میں عوامی رسائی کیمپ کا انعقاد

رام بن//ہفتہ وار فیلڈ وزٹ کے ایک حصے کے طور پر ڈپٹی کمشنر رام بن مسرت الاسلام نے پھل منڈی بٹوت کا دورہ کیا اور اصل و بنیادی فریقین سے بات چیت کی تاکہ اسے پھلوں اور سبزیوں کے کاروبار کے لیے ایک مرکز بنا دیا جائے۔انہوں نے پھلوں اور سبزیوں کے کاشتکاروں پر زور دیا کہ وہ NH-44 اور NH-244 کے محور میں آنے والی ممکنہ منڈیوں کو پورا کرنے کے لیے اپنے مارکیٹ روابط کو مضبوط کریں۔بی ڈی سی ، چیئرپرسن بٹوت راجیشور بھگت اور صدر میونسپل کمیٹی بٹوٹ رویندر سنگھ کے علاوہ ایڈیشنل ڈپٹی کمشنر ہربنس لال سابق ایم ایل اے نیلم لنگے، پی ڈی ڈی کے ایگزیکٹو انجینئر نثار حسین اے ایم او ، سنیل بخشی پی آر آئیز اور پھلوں اور سبزیوں کے کاروبار کے نمائندے اس موقع پر موجود تھے۔منڈی کے معائنہ کے دوران ڈی سی نے کسانوں پر زور دیا کہ وہ اپنی سبزیاں اور پھلوں کی پیداوار کو منظم طریقے سے فروخت کرکے سہولت حاصل کریں۔ڈی سی نے علاقے کے دکانداروں اور مقامی تاجروں سے کہا کہ وہ اس منڈی سے پھل اور سبزیاں خریدیں تاکہ اسے کامیاب بنایا جا سکے۔بعد میں بی ڈی سی چیئرپرسن اور صدر بلدیہ نے بٹوٹ ایریا ڈیولپمنٹ سے متعلق مطالبات اور مسائل پر روشنی ڈالی۔عوامی مسائل سننے کے بعد ڈی سی نے انہیں جلد از جلد حل کرنے کی یقین دہانی کرائی۔ڈی سی نے پی آر آئی کے عوامی نمائندوں سے بھی بات چیت کی اور بٹوٹ کو ایک آزاد سیاحتی مقام کے طور پر فروغ دینے سمیت مختلف امور پر تبادلہ خیال کیا جو مقامی لوگوں کے لیے روزگار کے مواقع پیدا کرنے میں معاون ثابت ہوگا۔