سری نگر// لیفٹیننٹ گورنر منوج سنہا نے کل سری نگر میں 31ویں سینئر نیشنل ووشو چیمپئن شپ کا افتتاح کیا۔ اس پرجوش میگا اسپورٹس ایونٹ میں ملک بھر کی 45 ایسوسی ایشنز کے 1500 کھلاڑی حصہ لے رہے ہیں۔لیفٹیننٹ گورنر نے اس موقع پر نو تعمیر شدہ ووشو اکیڈمی کو بھی جموں و کشمیر کے باصلاحیت نوجوانوں کے نام وقف کیا۔اس موقع پر اجتماع سے خطاب کرتے ہوئے لیفٹیننٹ گورنر نے کہا کہ سری نگر میں منعقد ہونے والی ووشو نیشنل چمپئن شپ ایک بھارت شریشٹھا بھارت کے جذبے کی عکاسی کرتی ہے اور لوگوں کو جموں و کشمیر کی ثقافت اور ورثے کو ظاہر کرنے اور شیئر کرنے کا ایک بہترین موقع فراہم کرتی ہے۔اس بات پر زور دیتے ہوئے کہ کھیل ایک متحرک اور ترقی پسند معاشرے کی امید، اتحاد اور علامت کا طاقتور آلہ ہے، لیفٹیننٹ گورنر نے کہا کہ یہ معاشرے کو ایک نیا مقصد، نئی امید دیتا ہے اور نوجوان نسل کی امنگوں کو پروان چڑھاتا ہے۔انہوں نے کہا کہ وزیر اعظم کی رہنمائی میں ملک کا کھیلوں کا بنیادی ڈھانچہ مضبوط ہوا ہے۔ ہمارے کھلاڑی نئی توانائی اور ولولے کے ساتھ اپنی صلاحیتوں کو ثابت کر رہے ہیں۔ لیفٹیننٹ گورنر نے مشاہدہ کیا کہ فٹ انڈیا، کھیلو انڈیا جیسی عوامی تحریکوں نے نوجوانوں کی توانائی کو قوم کی تعمیر کی طرف منتقل کیا ہے۔لیفٹیننٹ گورنر نے کہا کہ جموں و کشمیر اب کھیلوں کے مختلف شعبوں میں مسلسل قومی اور بین الاقوامی چیمپئن شپ کی میزبانی کر رہا ہے۔ سپورٹس کونسل شفاف طریقے سے نئے ٹیلنٹ کا انتخاب کرتی ہے اور ان کی تربیت اور کوچنگ پر زور دیتی ہے۔ انہوں نے مزید کہا کہ آج کھیل حکومت کی ترجیح ہے۔لیفٹیننٹ گورنر نے کہا کہ جموں کشمیر میں اگست 2019 کے بعد کھیلوں کی ایک نئی تحریک شروع کی گئی ہے جو نہ صرف سری نگر اور جموں بلکہ پورے یوٹی میں دکھائی دے رہی ہے۔لیفٹیننٹ گورنر نے منازہ غازی اور سعدیہ طارق جیسی نوجوان صلاحیتوں کی تعریف کی جنہوں نے قوم کا نام روشن کیا اور ابھیشیک سنگھ جموال، ابھیجیت سنگھ، پنکج رینا، ایشانت سنگھ، اویس، پرتھم سنگھ اور درون چاریہ ایوارڈ یافتہ کوچ کلدیپ ہنڈو کو ووس میں 6 تمغے جیتنے پر شاباش دی۔لیفٹیننٹ گورنر کے مشیر راجیو رائے بھٹناگر نے اس موقع پر اظہار خیال کرتے ہوئے کہا کہ یہ بڑے فخر کی بات ہے کہ جموں و کشمیر کو قومی ووشو چیمپئن شپ کی میزبانی کا موقع ملا ہے۔ووشو ایسوسی ایشن آف انڈیا کے صدر سری بھوپیندر سنگھ باجوہ نے نیشنل انٹرن میں تمغے جیت کر ہندوستان میں ووشو کو فروغ دینے اور نئی بلندیوں تک لے جانے میں جموں و کشمیر کے اہم کردار پر روشنی ڈالی۔
سرینگر میں31ویں سینئرنیشنل ووشو چیمپئن شپ کا افتتاح ، نو تعمیر شدہ ووشو اکیڈمی نوجوانوں کے نام وقف
ملک و جہان کی خبروں سے رہیں اپڈیٹ
نیوز لیڑ ای میل پر پائیں
