خاندان اور پیسوں سے نہیں بی جے پی کارکنوں کے پسینے سے بنی :مودی

سندرگڑھ (اڑیسہ)//وزیر اعظم نریندر مودی نے کنبہ پروری پر حملہ کرتے ہوئے کہا کہ بھارتیہ جنتا پارٹی (بی جے پی) خاندانوں اور پیسوں سے نہیں کارکنوں کے پسینے سے بنی پارٹی ہے . بی جے پی کے 39 ویں یوم تاسیس کے موقع پر ہفتہ کو یہاں لوک سبھا اور اسمبلی انتخابات کے لیے بی جے پی امیدواروں کے حق میں پرچار کرنے آئے مسٹر مودی نے کنبہ پروری اور فنڈز سے بنی پارٹیوں پر حملہ کرتے ہوئے کہا‘‘ہم خاندان پر مبنی نہیں ہیں اور نہ ہی ہم لوگ پیسوں پر بنے ہیں۔ بہت سی پارٹیاں پیسوں سے بنی ہیں، لیکن بی جے پی کارکنوں کے پسینے سے بنی پارٹی ہے ’’۔ انہوں نے کہا کہ بی جے پی ادھار کے آدرشوں سے بنی پارٹی نہیں ہے ۔ بی جے پی ملک کے لوگوں کے تصورات سے جنم لیا ہے ۔ وزیر اعظم نے ریلی سے خطاب کرتے ہوئے کہا ‘‘مجھے بتایا گیا کہ پہلی بار ملک کا کوئی وزیر اعظم سندرگڑھ آیا ہے ، مگر آج بھی کوئی وزیر اعظم یہاں نہیں آیا ہے ، آج تو اڑیسہ کا پردھان سیوک اپنے مالکوں کا آشیرواد لینے آیا ہے ’’۔ انہوں نے کیرالہ اور مغربی بنگال کا ذکر کرتے ہوئے کہا کہ وہاں بی جے پی کے کارکنوں کو ہلاک کیا گیاہے ۔ اس کے باوجود پارٹی کے کارکنوں کے حوصلہ گرا نہیں پائے ہیں۔ مودی نے کہا فی الحال بی جے پی دنیا کی سب سے بڑی جمہوری پارٹی ہے . ملک کو کانگریس اور اس سے نکلی ہوئی پارٹیوں کے سامنے ایک مضبوط متبادل دینے کا کام بی جے پی نے کیا ہے ۔ بی جے پی نوجوان ہندوستان کی پارٹی ہے ۔ انہوں نے کہا اس وقت بی جے پی کا پرچم ایسے مقامات پر بھی لہرا رہا ہے جس کے بارے میں پہلے کبھی کوئی تصور بھی نہیں کر سکتا تھا۔ مسٹر مودی نے کہا ‘‘آج بی جے پی کی حکومتیں ملک کے چاروں کونوں میں ہیں۔ لوگ بی جے پی سے محبت کرتے ہیں اور وہ ان کے دلوں میں بسی ہوئی ہے ۔ بی جے پی سب سے بڑی جمہوری پارٹی ہے اور سماج کے تمام طبقے کے لوگ پارٹی سے جڑ رہے ہیں’’۔ انہوں نے بی جے پی کے بانیوں میں ایک سابق وزیر اعظم اٹل بہاری واجپئی کی شاعری کا حوالہ دیتے ہوئے کہا ‘‘اٹل جی نے کہا تھا اندھیراچھٹے گا، سورج نکلے گا ، کمل کھلے گا. آج جب میں اڑیسہ آیا ہوں، تو میں دیکھ رہا ہوں کی چاہے مرکز ہو یا ریاست یہاں کمل کاکھلنا طے ہے ’’۔

 

رائے پور//وزیر اعظم نریندر مودی چھتیس گڑھ میں آج ایک انتخابی ریلی سے خطاب کریں گے ۔ پروگرام کے مطابق مسٹر مودی اڈیشہ سے شام تقریبا ساڑھے تین بجے ہیلی کاپٹر سے ریاست کے بلود شہر پہنچیں گے اور وہاں سے انتخابی ریلی سے خطاب کریں گے ۔ مسٹر مودی کا بلود میں تقریبا ا یک گھنٹے کا پروگرام ہے ۔اس کے بعد وہ ہیلی کاپٹر کے ذریعے رائے پورہوئی اڈے پر پہنچیں گے اور یہاں سے وہ مہاراشٹر کے ناندیڑ کے لئے روانہ ہو جا ئیں گے ۔ لوک سبھا انتخابات کی تشہر کے لئے مسٹر مودی کا ریاست میں یہ پہلا انتخابی دورہ ہے ۔ ریاست کی 11 سیٹوں پر تین مراحل میں ووٹنگ ھو گی ،پھلے مرحلے میں ریاست کی سب سے زیادہ حساس بستر پارلیمانی سیٹ پر 11 اپریل کو اور دوسرے مرحلے میں 19 اپریل کو تین سیٹو ں کنکیر ، راج نندگاؤں اور مھاسمند میں ووٹ ڈالے جائیں گے ۔تیسرے اور آخری مرحلے میں سات سیٹوں پر 23 اپریل کو پولنگ ہوگی۔ یواین آئی