یو این آئی
نئی دہلی// بہار کے گورنر لیفٹیننٹ جنرل (ریٹائرڈ) سید عطا حسنین اور وزیر مملکت برائے امورخارجہ پوترا مارگریٹا جمعہ کو ایران جائیں گے جہاں وہ ایران کے سپریم لیڈر آنجہانی آیت اللہ سید علی خامنہ ای کے جنازے میں شرکت کریں گے۔وزارت خارجہ نے جمعرات کو یہ معلومات دی اور کہا کہ اس پروگرام میں ہندوستان کی اعلیٰ سطحی نمائندگی دونوں ممالک کے درمیان تہذیبی تعلقات اور عوام کے باہمی روابط کی اہمیت کو اجاگر کرتی ہے۔ یہ دونوں ممالک کے درمیان سیاسی اور اقتصادی تعلقات کو مضبوط بنیاد فراہم کرتا ہے۔
ان کے آخری رسومات چار جولائی کو تہران میں شروع ہوں گی اور 9 جولائی کو مشہد میں امام رضا درگاہ پر ان کی تدفین کے ساتھ ختم ہوں گی۔ عوامی الوداعی تقریب چار جولائی کو مقامی وقت کے مطابق صبح چھ بجے تہران کے امام خمینی گرینڈ پریئر گراؤنڈ میں شروع ہوگی اور رات آٹھ بجے تک چلے گی۔ نماز جنازہ پانچ جولائی کی صبح ہوگی۔ ایران نے دونوں بڑی ہندوستانی جماعتوں یعنی بھارتیہ جنتا پارٹی (بی جے پی) اور کانگریس کے قومی صدور کو مدعو کیا ہے۔ دعوت پر کانگریس کے قومی صدر ملکارجن کھڑ گے کی جگہ پارٹی کے خارجہ محکمہ کے سربراہ سلمان خورشیدشریک ہوں گے جو جمعہ (3 جولائی 2026) کو ہونےکا پروگرام ہے۔ چونکہ یہ پروگرام 3 جولائی کو ہونا ہے، اس لیے کانگریس کے قومی صدر ملکارجن کھڑگے اتنے مختصر نوٹس پر شرکت کرنے سے قاصر ہیں۔ بی جے پی کے قومی صدر نتن نبین، کانگریس صدر ملکارجن کھرگے، سینئر بی جے پی لیڈر مختار عباس نقوی، کانگریس لیڈر سلمان خورشید، اور پیپلز ڈیموکریٹک پارٹی (پی ڈی پی) کی سربراہ محبوبہ مفتی کو مدعو کیا گیا ہے۔اس اقدام کو ایران کی حالیہ تاریخ کی سب سے بڑی سرکاری تقریبات میں سے ایک سے قبل ہندوستان کی مختلف سیاسی جماعتوں کے رہنماؤں تک پہنچنے کی تہران کی کوشش کے طور پر دیکھا جا رہا ہے۔
