عظمیٰ نیوز سروس
سرینگر/ سٹریٹجک سرینگر لیہہ ہائی وے جمعہ کو مسلسل چوتھے دن بھی بند رہی جس کی وجہ اونچے علاقوں میں شدید برف باری ہوئی جس کی وجہ سے دراس اور سونمرگ علاقوں میں سینکڑوں گاڑیاں پھنس گئیں۔حکام نے بتایا کہ کشمیر کو لداخ سے جوڑنے والی اہم پہاڑی گزرگاہ زوجیلا پاس کے ساتھ جمع ہونے والی نمایاں برف باری کے بعد ٹریفک کی آمدورفت معطل ہوگئی۔طویل بندش سے گاڑیوں کی نقل و حرکت میں خلل پڑا ہے، سڑک کی غیر محفوظ صورتحال کی وجہ سے ہائی وے کے دونوں طرف کئی ٹرک اور مسافر گاڑیاں رکی ہوئی ہیں۔تاہم، حکام نے بتایا کہ جمعہ کو پورے خطے میں موسم کی صورتحال بہتر ہونے کے بعد برف صاف کرنے کا کام دوبارہ شروع ہوا۔ گمری سیکٹر میں تقریبا ًڈیڑھ فٹ تازہ برف باری ریکارڈ کی گئی ہے ۔عہدیداروں نے مزید کہا کہ پانیماتھا کے علاقے سے زوجیلا پاس تک برف ہٹائی گئی ہیٹیمیں اب دوسرے حصوں پر کارروائیاں جاری رکھے ہوئے ہیں جہاں برف زیادہ جمع ہے۔
