باکسنگ ڈے ٹیسٹ | آسٹریلیا کی خطرناک گیندبازی سے جنوبی افریقہ 189رنوں پر سمٹ گیا

میلبورن//یواین آئی//آسٹریلیا اور جنوبی افریقہ کے درمیان جاری باکسنگ ڈے ٹیسٹ کے پہلے دن افریقی اننگز 189 رن پر سمٹ گئی۔ ٹیم کے 5 کھلاڑی صرف 67 رن پر ہی پویلین لوٹ چکے تھے ۔ افریقہ کی جانب سے مارکو جانسن نے سب سے زیادہ 59 رنز کی اننگز کھیلی۔ ٹیم کے 6 کھلاڑی دہائی کا ہندسہ بھی پار نہیں کر سکے ۔ آسٹریلیا کی جانب سے کیمرون گرین نے سب سے زیادہ 5 وکٹیں حاصل کیں۔میلبورن میں کھیلے جا رہے دوسرے ٹیسٹ میں آسٹریلیا نے ٹاس جیت کر پہلے گیندبازی کا فیصلہ کیا جو درست ثابت ہوا۔ آسٹریلیا کے تیز گیند بازوں نے دوسرے سیشن کے آغاز میں جنوبی افریقہ کی آدھی ٹیم کو پویلین بھیج دیا۔ جنوبی افریقہ کے 5 کھلاڑی صرف 67 رنز بنا کر آؤٹ ہوئے ۔ افریقہ کی پہلی وکٹ 29 رنز پر گری۔ جبکہ 24 ویں اوور میں 58 رنز پر ان کی چار وکٹیں گر چکی تھیں۔جبکہ ٹیم کی پانچویں وکٹ 67 رنز پر گری۔ اس کے بعد کائل ویرین اور مارکو جانسن نے اننگز کو سنبھالنے کی کوشش کی۔ ان دونوں کے درمیان 112 رنز کی شراکت ہوئی۔ کائل 99 گیندوں میں 52 رنز بنانے کے بعد آؤٹ ہوئے ۔ جبکہ مارکو جانسن نے 136 گیندوں پر 159 رنز بنائے ۔ ان دونوں کے آؤٹ ہونے کے بعد کوئی بھی بلے باز ڈبل فیگر کو نہ چھو سکا۔ کیشو مہاراج 2 رنز، کاگیسو ربادا 4 رنز، لونگی ا نگیدی 2 رنز بنانے کے بعد آؤٹ ہوئے ۔ جبکہ اینریک نوٹریا 1 رن بناکرناٹ آؤٹ رہے ۔مارک لابوشین نے بہترین فیلڈنگ کا مظاہرہ کیا۔