عظمیٰ سپورٹس ڈیسک
بانڈی پورہ//ڈسٹرکٹ ڈس ایبلیٹیشن سنٹر (ڈی ڈی آر سی) بانڈی پورہ نے ضلع انتظامیہ بانڈی پورہ کے اشتراک سے ایس کے سپورٹس سٹیڈیم بانڈی پورہ میں شمالی کشمیر میں شمولیتی سپورٹس ایونٹ کا انعقاد کیا۔اس عظیم الشان تقریب کا افتتاح ڈپٹی کمشنر بانڈی پورہ ڈاکٹر اویس احمد نے کیا۔نوڈل آفیسر کوارڈی نیشن محمد اشرف حقاق سمیت ضلع انتظامیہ بانڈی پورہ کے ممتاز معززین اور عہدیداروں نے شرکت کی۔اس اقدام کا مقصد متنوع برادریوں کے درمیان شمولیت، اتحاد اور کھیل کو فروغ دینا ہے۔ ایونٹ میں متعدد سرگرمیوں کی نمائش کی گئی جس میں شامل کرکٹ، کیرم، شطرنج، اور وہیل چیئر ریس نے شرکاء اور تماشائیوں کو مسحور کر دیا۔اس موقع پر خطاب کرتے ہوئے ڈاکٹر اویس نے کہا کہ نارتھ کشمیر انکلوسیو سپورٹس ایونٹ معذور افراد کے لیے ایک پلیٹ فارم پیش کرتا ہے، جس سے وہ اپنی صلاحیتوں، عزم اور ناقابل تسخیر جذبے کا مظاہرہ کر سکتے ہیں۔
