سری نگر// ایڈیشنل ڈائریکٹر جنرل آف پولیس آرمڈایس جے ایم گیلانی نے جموں و کشمیر پولیس کی سنٹرل باسکٹ بال ٹیم کو مجموعی طور پر چیمپئن بن کر ابھرنے اور ہماچل پردیش کی باسکٹ بال ایسوسی ایشن کے زیر اہتمام انویٹیشنل باسکٹ بال ٹورنامنٹ-2023 میں گولڈ میڈل جیتنے پر مبارکباد دی۔
ٹیم کو مبارکباد دیتے ہوئے، اے ڈی جی پی آرمڈ نے ٹیم کو اعزاز دینے میں کوچزاورکپتان کی محنت کی تعریف کی جو اس طرح کے شاندار کارنامے کو انجام دیتے ہیں۔یہ دعوتی ٹورنامنٹ سنگھول ضلع کانگڑا (ہماچل پردیش) میں 13 مئی 2023 سے 16 مئی 2023 تک منعقد ہوا۔ ٹورنامنٹ میں شمالی ہندوستان کی مختلف ریاستوں/ مرکز کے زیر انتظام علاقوں سے 21 ٹیموں نے بشمول ملک بھر کے پروفیشنل کلبوں کی ٹیموں نے حصہ لیا۔
جموں و کشمیر پولیس باسکٹ بال ٹیم جس نے جموں و کشمیر پولیس کی نمائندگی کی، ابتدائی طور پر 3 میچ کھیلے اور جیتے اور پول پلے کے لیے کوالیفائی کیا۔اس کے بعد، JKP ٹیم نے 8 ڈوگرہ ٹیم کے ساتھ کھیلا اور کوارٹر فائنل میں 80-53 کے اسکور سے جیت لیا۔ سیمی فائنل میں JKP کی ٹیم نے 21 پنجاب کے خلاف کھیلا اور اسے 102-79 کے سکور سے جیت کر فائنل میچ کے لیے کوالیفائی کر لیا۔ فائنل مقابلہ جے کے پی ٹیم اور پنجاب سکسرز کے درمیان کھیلا گیا جسے جے اینڈ کے پولیس ٹیم نے 81-79 کے اسکور سے جیت لیا۔ جموں و کشمیر پولیس کی ٹیم مجموعی طور پر ٹورنامنٹ کی چیمپئن بن کر ابھری اور گولڈ میڈل جیتا۔آرمڈ پولیس ہیڈ کوارٹر سری نگر میں منعقدہ ایک اعزازی تقریب میں اسٹاف آفیسر ٹو اے ڈی جی پی آرمڈ محمود احمدنے شرکت کی۔ سیکرٹری ٹو اے ڈی جی پی آرمڈ سید سجاد حسین،کلدیپ ہنڈو کے علاوہ جموں و کشمیر پولیس باسکٹ بال ٹیم کے کوچز اور ممبران موجود تھے۔
