سرینگر// محکمہ روزگار، ضلع روزگار اور مشاورتی مرکز سری نگر کے زیر اہتمام منعقدہ روزگار میلے میں ہزاروں نوجوان ملازمت کے متلاشیوں نے امر سنگھ کالج میںبھرتی عمل میں حصہ لیا۔روزگار میلے کا افتتاح ڈائریکٹر ایمپلائمنٹ جموں و کشمیر نثار احمد وانی نے کیا۔ تقریب میں جوائنٹ ڈائریکٹر ایمپلائمنٹ کشمیر حکیم تنویر،ڈپٹی ڈائریکٹر ایمپلائمنٹ سرینگر ڈاکٹر شیباعنایت، پرنسپل امر سنگھ کالج شیخ اعجاز بشیر اور کوآرڈی نیٹر پلیسمنٹ سیل ڈاکٹر ارشد مسعودی نے بھی شرکت کی۔ تقریب سے خطاب کرتے ہوئے ڈائریکٹر ایمپلائمنٹ نے ملازمت فراہم کرنے والوں سے بات چیت کی۔ صحت، تعلیم، انشورنس، بینکنگ، آٹوموبائل، آئی ٹی، اسکلنگ اور دیگر شعبوں میں مختلف کمپنیوں کے لگائے گئے سٹالز کا معائنہ کیا اور شرکاء سے بات چیت بھی کی۔
حکومت کے مختلف محکمے تقریب میں ممکنہ کاروباری افراد کے لیے خود روزگار سکیموں کی نمائش کے لیے سٹال بھی لگائے گئے تھے۔اس موقع پر خطاب کرتے ہوئے ڈائریکٹر ایمپلائمنٹ نے کہا کہ حکومت نوجوانوں کو مختلف شعبوں میں روزگار کے حصول کے لیے سہولت فراہم کر رہی ہے۔انہوں نے کہا کہ ان جاب میلوں کا بنیادی مقصد یونین ٹیریٹری میں بے روزگاری کے مسئلے کو ختم کرنا اور پراسئیویٹ سیکٹر کے ساتھ کام کرنے میں دلچسپی رکھنے والے ملازمت کے متلاشیوں کو سہولت فراہم کرنا ہے۔ انہوں نے مزید کہا کہ میلے کا مقصد مختلف شعبوں میں ملازمت فراہم کرنے والوں اور یوٹی کے بے روزگار نوجوانوں کے درمیان فرق کو ختم کرنا ہے۔اس موقع پر خطاب کرتے ہوئے جوائنٹ ڈائریکٹر ایمپلائمنٹ نے تقریب کی اہمیت پر روشنی ڈالی۔
انہوں نے مختلف محکمانہ سرگرمیوں پر غور کیا اور خود روزگار پر بھی زور دیا۔تقریب سے خطاب کرتے ہوئے ڈپٹی ڈائریکٹر ایمپلائمنٹ سرینگر نے کہا کہ اس طرح کے پلیٹ فارم کا مقصد پرائیویٹ کمپنیوں کو ان کی اسامیوں اور مہارت کے سیٹ کی ضروریات کو ظاہر کرنے اور موقع پر بھرتیاں کرنے کا موقع فراہم کرنا ہے جبکہ بے روزگار نوجوانوں کو کمپنیوں کے ساتھ بات چیت کرنے، ہنر سیکھنے کا موقع ملتا ہے۔ تقریب میں 2500 سے زائد ملازمت کے متلاشی افراد نے شرکت کی۔ 570 امیدواروں کو مختلف کمپنیوں نے شارٹ لسٹ کیا، 20 کو موقع پر ہی آفر لیٹر موصول ہوئے۔ 30 بے روزگار نوجوانوں کو مختلف محکموں کی جانب سے مختلف روزگار سکیموں کے منظوری نامہ فراہم کئے گئے۔ اس کے علاوہ 110 امیدواروں کو سکل ڈویلپمنٹ اداروں نے مختلف شعبوں میں اسکل اپ گریڈیشن کی تربیت کے لیے منتخب کیا تھا۔تقریب کا اختتام ڈپٹی ڈائریکٹر ایمپلائمنٹ سری نگر کے شکریہ کے ساتھ ہوا۔ٹی ای این
