واشنگٹن//امریکہ کے ٹریڑری کے ڈپٹی سکریٹری ویلی اڈیمو 24 اگست سے ہندوستان کے تین روزہ دورے پر ہوں گے تاکہ ہندوستان اور امریکہ کی مشترکہ ترجیحات پر تبادلہ خیال کیا جا سکے۔ جن میں مالیاتی بہاؤ کے معاملات، توانائی کی حفاظت کو فروغ دینا، خوراک کے عدم تحفظ سے نمٹنا اور عالمی سطح پر غیر قانونی تجارت کے معاملے شامل ہیں۔ امریکی حکومت کی طرف سے ایک بیان میں کہا گیا ہے کہ مسٹر اڈیمو پورے دورے کے دوران دونوں ممالک کے درمیان گہرے اقتصادی، سلامتی اور ثقافتی تعلقات کو اجاگر کرنا بشمول امریکہ-ہندوستان تعلقات اور ایک محفوظ اور خوشحال ہند-بحرالکاہل کے لیے ہماری مشترکہ وابستگی کو مضبوط کرے گا۔
بیان میں مزید کہا گیا ہے کہ ڈپٹی سکریٹری امریکہ۔ہندوستان دوطرفہ اقتصادی تعلقات کو مضبوط بنانے پر توجہ مرکوز کریں گے، دونوں ممالک کے درمیان وسیع تر سرمایہ کاری اور تجارتی بہاؤ کو اجاگر کریں گے اور ان کو گہرا کریں گے۔ ہندوستان جیسے قابل اعتماد شراکت داروں کے ساتھ مزید لچکدار سپلائی چین بنانیسمیت ‘انڈو پیسیفک اکنامک فریم ورک جیسے اقدامات کے ذریعے طریقوں پر بھی تبادلہ خیال کریں گے۔ اس میں ہندوستان مئی میں بانی رکن کے طور پر شامل ہوا ہے۔ ڈپٹی سکریٹری 24 اور 25 اگست کو ممبئی میں سینئر سرکاری ہم منصبوں کے ساتھ ساتھ اہم ہندوستانی کاروباری اداروں بشمول مالیاتی سروس اور توانائی کے شعبوں کے ایگزیکٹوز سے ملاقات کریں گے۔ مسٹر ایڈیمو ممبئی میں ‘سوسائٹی فار انوویشن اینڈ انٹرپرینیورشپ اسٹارٹ اپ انکیوبیٹر کا بھی دورہ کریں گے، جہاں وہ طلباء اور کاروباری افراد سے ملاقات کریں گے اور امریکہ اور ہندوستان کے درمیان اقتصادی تعلقات کو مضبوط بنانے پر مختصر ریمارکس دیں گے۔ وہ 26 اگست کو نئی دہلی میں سینئر سرکاری ہم منصبوں سے ملاقات کریں گے۔
