اسلامک یونیورسٹی میں وائس چانسلر ایمپلائزٹورنامنٹ شروع

اونتی پورہ // اسلامک یونیورسٹی آف سائنس اینڈ ٹیکنالوجی میں کلوائس چانسلرپروفیسر شکیل اے رومشونے انٹر ڈیپارٹمنٹ کرکٹ ٹورنامنٹ (مرد اور خواتین) کے ساتھ تیسرے وائس چانسلر کرکٹ ٹورنامنٹ کا افتتاح کیا۔ ڈائریکٹوریٹ آف فزیکل ایجوکیشن اینڈ اسپورٹس کے زیر اہتمام یہ ایونٹ 17 سے 30 نومبرتک ہوگا۔وائس چانسلر نے کہا کہ ایسی تقریبات شخصیت کی مجموعی نشوونما کو یقینی بنانے اور ان دباؤ کو کم کرنے میں مدد دینے کے لیے اہم ہیں۔ انہوں نے خواتین کی ٹیموں کی شرکت کو سراہا اور اس بات پر زور دیا کہ کھیل آپس میں دوستی اور ٹیم کے جذبے کو جنم دیتے ہیں اور اسے ہمارے روزمرہ کے معمولات کا ایک لازمی حصہ بنانا چاہیے۔ ٹورنامنٹس میں کل 24 ٹیمیں (10 اسٹاف اور 14 طلبہ کی ٹیمیں) حصہ لیں گی۔