۔8اضلاع میں21کورونا مثبت

سرینگر //جموں و کشمیر میں جمعہ کو کورونا وائرس کی تشخیص کیلئے 28011ٹیسٹ کئے گئے جن میں 24سفر کرنے والوں سمیت 31افراد کی رپورٹیں مثبت آئی ہیں۔ متاثرینن کی مجموعی تعداد 4لاکھ 53ہزار 768ہوگئی ہے۔ اس دوران جموں و کشمیر میں 18ویں دن بھی کسی کی موت نہیں ہوئی ہے۔ متوفین کی مجموعی تعداد 4750بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے 31افراد متاثر ہوئے ہیں جن میں ایک جموں جبکہ 30افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر بانڈی پورہ،گاندربل اور کولگام میں کسی کی رپورٹ مثبت نہیں آئی ہے جبکہ دیگر 7اضلاع میں 30افراد کو مثبت قرار دیا گیا ہے۔ مثبت قرار دئے گئے 30افراد میں 24افراد بیرون ریاستوں سے سفر کرکے واپس لوٹے جبکہ دیگر 6افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر میں مثبت قرار دئے گئے 30افراد میں سرینگر میں سب سے زیادہ 18، بارہمولہ میں 1،بڈگام میں 1، پلوامہ میں 4،کپوارہ میں 2، اننت ناگ میں 3جبکہ شوپیان میں 1کی رپورٹ مثبت آئی ہے۔ کشمیر میں متاثرین کی مجموعی تعداد 2لاکھ 87ہزار 509ہوگئی ہے۔ اس دوران وادی میں 32ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2423بنی ہوئی ہے۔ جموں صوبے کے ادھمپور، راجوری، پونچھ ، ڈودہ ،کٹھوعہ، سانبہ، کشتواڑ،رام بن اور ریاسی میں کسی کی رپورٹ مثبت نہیں آئی ہے جبکہ جموںضلع میں ایک کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 66ہزار259ہوگئی ہے۔ جموں صوبے میں مسلسل  18ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2327بنی ہوئی ہے۔ 
 
 

ملک میں1335نئے کیسز، 52ہلاکتیں

نئی دہلی// ملک میں کورونا انفیکشن کی رفتار میں سست روی کے درمیان جمعرات کو فعال معاملات میں 635 کی کمی آئی اور اس کے ساتھ ان کی تعداد کم ہو کر 13672 ہو گئی ہے ۔جمعہ کو جاری اعداد و شمار کے مطابق گزشتہ 24 گھنٹوں میں 1335 نئے کیسز سامنے آئے  جنہیں ملاکرمعاملوں کی کل تعداد چار کروڑ تیس لاکھ 25 ہزار 775 ہو گئی ہے ۔ اس دوران اس وبا سے 52 افراد لقمہ اجل بنے ، جس کے بعد ہلاکتوں کی تعداد 5 لاکھ 21 ہزار 129 ہو گئی ہے ۔