۔33انتظامی افسران کو سپیشل سکیل میں ترقی

سرینگر// انتظامیہ نے جموں کشمیر انتظامی سروس کے 2 افسران کو سپرٹائم سکیل،ٹائم سکیل اور سلیکشن گریڈ زمروں میں ترقی دی، جبکہ33افسراں کو سپیشل سکیل(نان فنکشنل) میں شامل کیا گیااور35افسراں کو ترقی دیکر ٹائم سکیل میں شامل کیا گیا۔ راجندر سنگھ تارا  ڈائریکٹر جنرل کمانڈ ایریا ڈیولپمنٹ جموںکو سپر ٹائم سکیل میں ترقی دینے کا اعلان کیا۔ حکم نامہ کے مطابق اس ترقی کے بعد راجندر سنگھ تارا کو کمانڈ ایریا ڈیولپمنٹ جموں میں ڈائریکٹر جنرل کے عہدے پر فائز کیا گیا۔ ایک اور علیحدہ حکم نامہ کے مطابق پروجیکٹ منیجر آئی ڈبلیو ایم پی سپنا کوتوال کو جموں کشمیر انتظامی سروس میں سلیکشن گریڈ کے طور پر18جنوری سے ترقی دی گئی۔ حکم نامہ کے مطابق35 افسران کو ٹائم سکیل میں18جنوری سے ترقی دیکر تقرری عمل میں لائی گئی۔ان افسراں می  خورشید احمد خلیل، دھرم پال، سنیل کمار،وجے کمار،دیواکر کمار، فاروق احمد نقاش،معراج الدین وانی،امریش کوتوال اور پون کمار گوسوامی کو فکنشنل منیجر جبکہ عبدالجبار کو پروجیکٹ منیجر کے طور پر ترقی دی گئی۔ سیکریٹریٹ میں اندر سیکریٹری کے طور پر ترقی و تقرری پانے والے11افسراں میں آصفہ جان، افتخار رسول ہمدانی، نسیمہ اختر،محمد یاسین بقال، سید نذیر احمد،محمد امین شا،فاروق احمد ملک،غلام دستگیر عالم، شبی تبسم،انجلی فوطیدار اور نثار احمد وانی شامل ہیں۔ آرڈر کے مطابق سیکریٹریٹ میں پرائیوٹ سیکریٹریوں کے طور پر ترقی پانے والوں میں فاروق احمد،شکیل حسین،مشتاق احمد وانی، راکیش شرما، مرزا شاد علی بیگ،ترلوکی ناتھ کول، سکیل احمد ششتار، وجے کمار کول،شام لال ابرال،اعجاز احمد شگن،کنول کرشن گنجو،محمد الفاظ،ترن شرما اور ایڈمنسٹریٹو افسر کے طور پر تقری پانے والے میں عبدالرحمان بٹ شامل ہیں۔ سرکاری حکم نامہ کے مطابق33 جموں کشمیر انتظامی سروس افسران کو  سپیشل سکیل(نان فنکشنل) میں شامل کیا گیا۔ان افسراں میں انیل سلگوترا،سنینا شرما،صبح مہتا،طاہر اعجاز، وناکشی کول، سمیراہ شمیم، دیوندر سنگھ بابو، ڈاکٹر اروند کاروانی،نیلم کھجوریہ، فیاض احمد فیاض، وویک پوری، روہت شرما، تبسم شفاعت کاملی، ہربنس لال، سید شبیر احمد، ڈیپیکا رانا، محمد اشرف شیخ، ڈاکٹر خالد حسین ملک، انسویا جموال، ستیش کمار، انیل شرما،ریاض احمد شاہ، سچن جموال، پرئم سنگھ، ڈاکٹر ذاکر حسین وانی، محمد اشرف، امریت سنگھ،افساں مسعود، دیوندر پال، محمد سعید خان،ایس پرمجیت سنگھ،اندرجیت سنگھ اور روی موہن کھجوریہ شامل ہیں۔
 
 

چار آئی اے ایس افسران تبدیل

سرینگر/بلال فرقانی/ جموں کشمیرسرکار نے جمعرات کو4آئی اے ایس افسران کے تبادلے اور تقرریاں عمل میں لائیں۔ سرکار کی جانب سے جاری حکم نامہ کے مطابق سب ڈویژنل مجسٹریٹ کٹرہ ابھیشک شرما،جن کے پاس سب رجسٹرار کٹرہ کا اضافی چارج بھی تھا ،کو تبدیل کرکے سوچھ بھارت مشن کا مشن ڈائریکٹر تعینات کیا گیا ہے جبکہ سب ڈویژنل مجسٹریٹ سرینگر ویسٹ اکشے لبرو کو تبدیل کرکے امرت کا مشن ڈائریکٹر تعینات کیا گیا۔ سب ڈویژنل مجسٹریٹ دھرمری فضل الحسیب، جن کے پاس سب رجسٹرار دھرمنی،سب ڈویژنل مجسٹریٹ مہور اور سب ڈویژنل رجسٹرار مہور کا اضافی چارج بھی تھا، کو تبدیل کرکے ایڈیشنل ڈپٹی کمشنر سرینگر کے طور پر تعینات کیا گیا ہے جبکہ انہیں چیف ایگزیکٹو افسر اربن ڈیولپمنٹ ایجنسی کشمیر کا اضافی چارج بھی دیا گیا ہے۔ عمومی انتظامی محکمہ میں اپنی تقرری کے منتظر شیام بیر ایڈیشنل ڈپٹی کمشنر جموں تعینات کیا گیا۔