۔2023-24 کے لیے سرگرمیوںکاکلینڈر  | رجسٹریشن کے لیے ویب سائٹ کی ڈیجیٹائزیشن آخری مراحل میں

سری نگر//جموں و کشمیر میں رواں مالی سال میں سرگرمیاں شروع کرنے کے لیے سکریٹری جموں و کشمیر اسپورٹس کونسل نے کل یہاں اپنے دفتر کے چیمبر میں ایک میٹنگ کی صدارت کی۔اس موقع پر خطاب کرتے ہوئے سکریٹری نے بتایا کہ حصہ لینے والے کھلاڑیوں کی رجسٹریشن کے لیے ویب سائٹ کی ڈیجیٹائزیشن آخری مراحل میں ہے اور اسے جلد ہی شروع کیا جائے گا جس میں کھلاڑیوں کے بارے میں تمام اہم تفصیلات شامل ہوں گی۔ ہر ایک کی پیشرفت پر نظر رکھیں تاکہ ممکنہ ٹیلنٹ کو صحیح پلیٹ فارم پر دکھایا جائے اور سالوں میں اس کی ترقی کو نہ صرف ٹریک کیا جائے بلکہ اس کی نگرانی بھی کی جائے۔انہوں نے حاضرین سے یہ بھی کہا کہ وہ خاص طور پر سرکاری اور پرائیویٹ دونوں سکولوں میں داخل ہونے والے بچوں کے لیے ایک الگ پروگرام تیار کریں۔ڈویڑنل سپورٹس آفیسر کشمیر، نزہت فاروق نے کھیل سے متعلقہ آلات کی بروقت خریداری کی ضرورت پر زور دیا۔ ڈویڑنل اسپورٹس آفیسر، جموں اشوک سنگھ جموال جنہوں نے ورچوئل موڈ کے ذریعے میٹنگ میں شرکت کی، کہا کہ جموں ڈویڑن کے لیے کھیلوں کی سرگرمیوں کا کیلنڈر آخری مراحل میں ہے اور اسے دو دن کے اندر حتمی شکل دی جائے گی۔