راجوری //جموں وکشمیر انتظامیہ کی جانب سے 18سے 45برس کی عمر کے افراد کیلئے شروع کر دی کووڈ ویکسین مہم کے دوران گزشتہ روز راجوری ضلع میں 4111افراد کو ویکسین دی گئی ۔اس دوران ضلع میں کئے گئے ٹیسٹوں کے دوران 99افراد کا کووڈ ٹیسٹ مثبت آیا جبکہ دو افراد کی موت بھی ہوئی ہے ۔انتظامیہ کی جانب سے ایکسی نیشن کی شروع کر دہ مہم کے دوران مراکز کے باہر لوگوں کی بھاری ہجوم رہی ۔انتظامیہ کی جانب سے فراہم کردہ جانکاری کے مطابق منگل کے دوز ضلع میں 4111افراد کو ویکسین لگائی گئی ہے ۔حکام نے بتایا کہ ضلع میں 18سے 45برس عمر کے 2621افرادکو ویکسین لگائی گئی ۔ضلع کے متعدد سنٹروں کے باہر لوگوں کی بھاری ہجوم رہی تاکہ وہ ویکسین حاصل کر سکیں ۔ضلع ترقیاتی کمشنر راجوری راجیش کمار شون نے بتایا کہ منگل کے روز 18سے 45برس کی عمر کے افراد کیلئے ویکسین مہم شروع کی گئی ہے ۔انہوں نے بتایا کہ انتظامیہ کی جانب ایک بار ہی لاکھوں افراد کو ویکسین نہیں لگائی جاسکتی تاہم اس عمل کا مسلسل جاری رکھا جائے گا تاکہ سماج کے ہرایک فرد کو ویکسین لگائی جاسکے ۔اس دوران ضلع کے مختلف علا قوں میں کئے گئے ٹیسٹوں کے دوران 99افراد کووڈ مثبت پائے گئے ہیں جن میں سے درہال میں 29کالا کوٹ میں 10کنڈی میں 12نوشہرہ میں 9منجا کوٹ میں 23اور سندر بنی میں 16کیس شامل ہیں ۔انتظامیہ کے ایک اعلیٰ آفیسر نے بتایا کہ لگاتار تیسر دن بھی ضلع میں کووڈ معاملات کی تعداد سو سے کم رہی۔ضلع میں گزشتہ روز دو مزید اموات بھی ہوئی ہیں ۔
۔18سے 45 برس کی عمرکیلئے ویکسین کا عمل شروع
