مزید478فوت، متوفین کی تعداد1,65,101ہوگئی
نئی دہلی// ملک میں کورونا وائرس کی دوسری لہر نے قہر برپا کردیا ہے اور پیر کی صبح 8بجے تک گذشتہ 24 گھنٹوں کے دوران ملک کے مختلف حصوں میں ریکارڈ 1لاکھ،3ہزار 558نئے معاملات سامنے آئے ۔مارچ 2020سے چین کے شہر ووہان سے کورونا وائرس پھیلنے کے بعد بھارت میں یہ اب تک ایک دن میں سب سے بڑی اور ریکارڈ تعداد ہے۔پچھلے سال ایک دن میں سب سے زیادہ تعداد قریب 89ہزار ہوئی تھی۔ پیر کی صبح مرکزی وزارت صحت کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران کورونا وائرس کے 1لاکھ3ہزار558 نئے معاملات رپورٹ ہوئے جس سے متاثرہ مریضوں کی مجموعی تعداد ایک کروڑ 25 لاکھ 89 ہزار 067 ہوگئے ہیں ۔ وہیں اسی عرصہ کے دوران 52ہزار847 مریض اس جان لیوا وباسے شفایاب ہوئے ہیں جس سے یہ تعداد اب تک 1کروڑ16لاکھ82ہزار136 ہوچکی ہے ۔ملک میں مزید 7لاکھ41ہزار830 فعال معاملات رپورٹ ہوئے ہیں۔ اس عرصے کے دوران مزید 478 مریضوں کی موت کے ساتھ کورونا سے ہلاکتوں کی مجموعی تعداد 1لاکھ65ہزار101 ہوچکی ہے ۔ملک میں کورونا وائرس سے شفایابی کی شرح 92.80 فیصد،سرگرم معاملات کی شرح 5.89 فیصدجبکہ اموات کی شرح 1.31 فیصد ہوچکی ہے ۔ملک میں کورونا سے سب سے زیادہ متاثر ریاست مہاراشٹر ہے جہاں سرگرم معاملات کی تعداد گذشتہ 24 گھنٹوں کے دوران 29344 سے بڑھ کر 431896 ہوگئی ہے ۔ گزشتہ 24 گھنٹوں کے دوران ریاست میں 27508 مزید مریض شفایاب ہوئے ہیں جس سے صحت یاب ہونے والے مریضوں کی مجموعی تعداد 2522823 ، جبکہ مزید 222 مریضوں کی موت سے ہلاکتوں کی مجموعی تعداد 55878 ہوچکی ہے ۔
