سرینگر//بہادروں کی بے لوث کہانیاں ابدی ہوتی ہیں کیونکہ یہ کہانیاں ہمیں ہمیشہ یاد رہتی ہیں۔بھارتی فوجیوںکے اسی طرح کے بے لوث جذبے اور بہادری کو سلام پیش کرتے ہوئے مشروبات تیار کرنے والے برانڈ پیپسی"PEPSI"نے کرگل کے ’’شیر شاہ‘‘ کیپٹن وکرم باترا اوران دیگر بہادرجوانوں کے تئیں خراج عقیدت کے بطور محدود ایڈیشن کا ایک نیا کین منظر عام پر لایا ہے ، جنہوں نے ایک مشکل ترین جنگ میں ملک کو کامیابی سے ہمکنار کیا۔یہ محدود ایڈیشن کینزگہرے نیلے اور سنہری رنگ کے ہیں اور ان پر پیپسی کا مشہور نعرہ’’یہ دل مانگے مور‘‘ درج ہے جسے کیپٹن وکرم باترانے لافانی بنادیا۔محدود ایڈیشن کے کینز پر ایک QRکوڈ بھی درج ہے جس کے ذریعے صارفین کیپٹن وکرم باترا کے نام پیپسی کے خراج عقیدت پر مبنی ویڈیو دیکھ سکتے ہیں۔اس ویڈیو میں کیپٹن وکرم کے جڑواں بھائی وشال باترا اپنے بھائی کے ساتھ بتائے گئے لمحوں اور ان کی بہادری کے بارے میں ایک نظم پڑھتے ہیں۔اس ویڈیو میںپاسنگ آئوٹ پریڈ سے لیکر پوائنٹ4875 جسے اب باترا ٹاپ کے نام سے جانا جاتا ہے،پر قبضے کرکے اخبارات کی سرخیوں میں رہنے تک کیپٹن باترا کی طرف سے عبور کئے گئے سنگ میل اور ان کی زندگی کے مختلف پہلوئوں پرروشنی ڈالی گئی ہے۔ اس خراج عقیدت کے بارے میں بات کرتے ہوئے وشال باترا نے بتایا’’22سال قبل وکرم کی زوردار آواز ریڈیو پر سنی گئی اور جب انہوں نے’’یہ دل مانگے مور‘‘ کے الفاظ بیان کئے تو ہر عمر کے بھارتی کو حب الوطنی کا جذبہ ملا، آج کرگل وجے دیوس کے موقعے پر مجھے فخر بھی ہے اور میں کیپٹن وکرم کی بے لوثی اور بہادری کی کہانی کو پورے ملک میں پہنچانے کیلئے پیسی کا شکریہ بھی ادا کرتا ہوں۔پیپسی کو(PepsiCo)انڈیا کے ترجمان نے اس موقعے پر اپنے خیالات کا اظہار کرتے ہوئے کہا’’یہ دل مانے مور کا جملہ ہمیشہ پیپسی کے ساتھ جڑا رہا ہے جس کو اُس وقت ایک نیا مطلب ملا جب کیپٹن باترا نے اس جملے کوجنگی نقارہ کے بطور اپنایا، ہمیںنئے محدود ایڈیشن کے کینزاور ویڈیو کے ذریعے کیپٹن باترا اور ان جیسے دیگر فوجی جوانوں کی بہادری اور بے لوثی کی عزت افزائی پر فخرہے ۔اس کرگل وجے دیوس کے موقعے پر ہم ان تمام بہادر جوانوں کو یاد کرتے ہیں اور ان کے جذبے اور شجاعت کو سلام پیش کرتے ہیں‘‘۔محدود ایڈیشن کے کینز منتخب ای کامرس چینلوں پرماہ اگست سے دستیاب رہیں گے جب بھارت اپنا74واں یوم آزادی بھی منا رہا ہے۔
’’یہ دل مانگے مور‘‘۔۔۔کرگل وجے دیوس پر پیپسی کا بہادر جوانوں کو سلام | پیپسی کے محدودایڈیشن کین منظر عام پر
