یواین آئی
پیرس// فرانس کے صدر ایمانوئل میکروں نے کہا ہے کہ فرانس اور دیگر یورپی ممالک غزہ کے تنازع میں زخمی ہونے والے بچوں کو طبی علاج فراہم کرنے کے لیے تیار ہیں۔ میکرون نے یہ بات جمعرات کو اردن کے شہر عقبہ میں اردن کے بادشاہ عبداللہ دوم سے ملاقات کے دوران کہی۔اردنی خبر رساں ایجنسی پیٹرا نے میکرون کے حوالے سے رپورٹ دی ہے کہ فرانس غزہ کے کینسر میں مبتلا بچوں کو فرانسیسی اسپتالوں میں علاج کی پیشکش کرنے میں دلچسپی رکھتا ہے۔رپورٹ میں کہا گیا ہے کہ میکرون نے دو ریاستی حل کی بنیاد پر غزہ کی پٹی میں امن تک پہنچنے کے لیے کام کرنے کے لیے اردن کی کوششوں کی تعریف کی اور غزہ کو انسانی امداد کی ترسیل کو بڑھانے کے لیے بین الاقوامی رابطہ کاری کو بڑھانے میں اردن کی حمایت کی۔
