نئی دہلی//یواین آئی//آسٹریلیا نے ہندوستان کے خلاف 17مارچ کو ہونے والی ون ڈے سیریز کے لیے ٹیم کا اعلان کر دیا ہے ۔ آسٹریلیا کرکٹ بورڈ نے جمعرات کو اس کی اطلاع دی۔آسٹریلیا کے چیف سلیکٹر جارج بیلی نے کہا – ورلڈ کپ میں تقریباً 7 ماہ باقی ہیں۔ اس تناظر میں ہندوستان میں یہ سیریز ہماری تیاری کے لیے بہت اہم ہے ۔ گلین، مشل اور جے رچرڈسن سبھی اہم کھلاڑی ہیں۔ جوش انگلیس کے لیے اس سیریز کا حصہ بننا بہت اچھا ثابت ہوگا۔پہلا ایک روزہ میچ 17 مارچ کو ممبئی، دوسرا میچ 19 مارچ کو وشاکھاپٹنم اور تیسراون ڈے میچ 22 مارچ کو چنئی میں کھیلا جائے گا۔ تینوں میچ ڈے نائٹ ہوں گے یعنی دوپہر ڈیڑھ بجے شروع ہوں گے ۔آسٹریلیا ون ڈے اسکواڈ: پیٹ کمنز (کپتان)، شان ایبٹ، ایشٹن اگر، الیکس کیری، کیمرون گرین، ٹریوس ہیڈ، جوش انگلیس، مارنس لیبوشین، مشل مارش، گلین میکسویل، جے رچرڈسن، اسٹیو اسمتھ، مشل اسٹارک، ڈیوڈ وارنر، ایڈم جمپا۔قابل ذکر بات یہ ہے کہ آسٹریلیا نے ورلڈ کپ سے ٹھیک پہلے ستمبر میں ایک بار ہندوستانی سرزمین پر ون ڈے سیریز کھیلی تھی۔آسٹریلیا ون ڈے اسکواڈ: پیٹ کمنز (کپتان)، شان ایباٹ، ایشٹن آگر، ایلکس کیری، کیمرون گرین، ٹریوس ہیڈ، جوش انگلیس، مارنس لیبوشین، مچل مارش، گلین میکسویل، جھے رچرڈسن، اسٹیو اسمتھ، مچل اسٹارک، مارکس اسٹونیس، ڈیوڈ وارنر، ایڈم زمپا۔ہندوستانی اسکواڈ: روہت شرما (کپتان)، شوبھمن گل، وراٹ کوہلی، شریس ایر، سوریہ کمار یادو، کے ایل راہل، ایشان کشن (وکٹ کیپر)، ہاردک پانڈیا (نائب کپتان)، رویندر جڈیجہ، کلدیپ یادو، واشنگٹن سندر، یوجویندرا چہل، محمد سمیع، محمد سراج، عمران ملک، شاردول ٹھاکر، اکشر پٹیل، جے دیو انادکٹ۔ (کپتان روہت خاندانی وجوہات کی وجہ سے پہلے ون ڈے میں نہیں کھیلیں گے ۔)
میکسویل اور مارش کی ٹیم میں واپسی
میلبورن// آسٹریلیا نے مارچ میں ہندوستان کے خلاف تین میچوں کی ون ڈے سیریز کے لیے آل راؤنڈر گلین میکسویل اور مچل مارش کو ٹیم میں شامل کیا ہے ۔مارش ٹخنے کی سرجری کی وجہ سے تین ماہ کے لیے کرکٹ سے دور ہو گئے تھے ، جب کہ میکسویل کے نومبر میں ایک دوست کی سالگرہ کی تقریب میں ٹانگ میں فریکچر ہو گیا تھا۔ میکسویل اس وقت سرجری اور بحالی سے گزرنے کے بعد وکٹوریہ کے لیے ڈومیسٹک فرسٹ کلاس کرکٹ کھیل رہے ہیں، جبکہ مارش کے اس ہفتے کے آخر میں لسٹ-اے کرکٹ میں ویسٹرن آسٹریلیا کے لیے کھیلنے کی امید ہے ۔ دونوں کھلاڑی آسٹریلیا اور ہندستان کے درمیان جاری ٹیسٹ سیریز کے اختتام کے بعد ممبئی (17 مارچ)، وشاکھاپٹنم (19 مارچ) اور چنئی (22 مارچ) میں منعقد ہونے والی ون ڈے میں بین الاقوامی سطح پر واپسی کریں گے ۔سی اے نے کہا کہ بارڈر-گاوسکر ٹرافی کے دوسرے ٹیسٹ کے بعد وطن واپس آنے والے ڈیوڈ وارنر ون ڈے سیریز میں بھی حصہ لیں گے ۔ وارنر کو دوسرے ٹیسٹ کے دوران کہنی میں زخم اور ہیئر لائن فریکچر کے بعد آسٹریلیا واپس جانا پڑا تھا۔ نومبر میں انگلینڈ کے خلاف ون ڈے سیریز میں شاندار کارکردگی کا مظاہرہ کرنے والے ٹریوس ہیڈ کا ہندستان میں بھی وارنر کے ساتھ اوپننگ کرنے کا امکان ہے ۔
