گوٹریس نے ٹرمپ اور کم کے درمیان گفت و شنید کو خوش آئند قرار دیا

اقوام متحدہ// اقوام متحدہ کے سکریٹری جنرل اینٹو نیو گوٹریس نے امریکی صدر ڈونالڈ ٹرمپ اور شمالی کوریا کے حکمران کم جونگ کے درمیان حالیہ ملاقات اور دونوں ممالک کے درمیان ملاقات کے بعد شروع کئے جانے والے فیصلہ کا خیر مقدم کیا ہے ۔اقوام متحدہ کے ترجمان اسٹیفن ڈی نے ایک بیان میں یہ بات کہی ہے ۔بیان میں کہا گیا ہے کہ سکریٹری جنرل نے جزیرہ نما کوریا کے غیر فوجی علاقے میں ہونے والی میٹنگ کا خیر مقدم کیا ھے ، جس میں جنوبی کوریا کے صدر مون جے ان، شمالی کوریا کے حکمران کم اور مسٹر ٹرمپ کے درمیان گفت و شنید ہوئی ۔مسٹر گوٹریس ے بالخصوص اس اعلان کا خیر مقدم کیا ہے جس میں کہا گیا ہے کہ امریکہ اور شمالی کوریا ایک بار پھر بات چیت کرنے پر متفق ہو گئے ہیں۔ بیان میں کہا گیا‘‘یہ جان کر اچھا لگا کہ امریکہ کے صدر ڈونالڈ ٹرمپ اور شمالی کوریا کے رہنما کم جونگ آئندہ چند ہفتے میں جوہری ترک اسلحہ پر بات چیت شروع کرنے پر اتفاق کیا ہے ’’۔بیان میں یہ بھی کہا گیا ہے ‘‘سکریٹری جنرل جزیرہ نما کوریا میں مستقل امن اور جوہری ترک اسلحہ کی سمت میں نئے تعلقات قائم کرنے کے لئے دونوں ممالک کی مسلسل کوششوں کی حمایت کرتے ہیں’’۔یواین آئی