بانہال// گرتے پتھروں کی وجہ سے جموں سرینگر قومی شاہراہ رام بن کے نزدیک مہاڑ علاقے میں بند ہوگئی ہے اور اتوار سہ پہر بعد سے پتھروں کے گرنے کی وجہ سے ٹریفک کی نقل وحرکت روکنا پڑی ہے۔ ٹریفک پولیس کنٹرول روم رام بن کے مطابق اتوار کی سہ پہر بعد قریب پانچ بجے سے مہاڑ رام بن کے علاقے میں پتھر گر رہے ہیں اور سرینگر سے جموں کی طرف ٹرکوں کو متاثرہ مقام کے علاؤہ بانہال اور قاضی گنڈ کے مقامات پر روک دیا گیا ہے۔ انہوں نے کہا کہ شاہراہ کے بند ہونے سے پہلے ہی قاضی گنڈ اور ادہم پور کو پار کرنے کی مقررہ مدت کے اندر اندر چھوڑا گیا دو طرفہ مسافر ٹریفک اس علاقے سے نکل گیا تھا تاہم کچھ مقامی اور دیگر مسافر گاڑیاں بھی درماندہ ہیں۔ انہوں نے کہا کہ مہاڑ رام بن کے مقام وقفے وقفے سے پتھر گر رہے ہیں اور دھول اور مٹی اڑ رہی ہے جس کی وجہ سے بحالی میں دشواری آرہی ہے تاہم بحالی کی ہر ممکن کوشش کی جارہی ہے۔
گرتے پتھروں کی وجہ سے قومی شاہراہ ٹریفک کیلئے بند
