یو این آئی
بارسلونا// ناروے کے اسٹار ٹینس کھلاڑی کیسپر روڈ آسٹریلیا کے جارڈن تھامپسن کو 6-1، 6-4 سے شکست دے کر بارسلونا اوپن کے کوارٹر فائنل میں پہنچ گئے ہیں۔یہ روڈ کی سیزن کی 26ویں جیت ہے۔ اس کے ساتھ ہی روڈ نے 2024 میں سب سے زیادہ ٹور لیول جیتنے کے معاملے میں جینک سنر کو پیچھے چھوڑ دیا ہے۔روڈ نے شروع میں شاندار کھیل کا مظاہرہ کیا اور 5-0 کی برتری حاصل کی۔ انہوں نے دوسرے سیٹ کے ساتویں گیم میں فیصلہ کن بریک حاصل کرنے سے پہلے ابتدائی سیٹ پر کلین سویپ کیا اور ایک گھنٹہ 13 منٹ تک جاری رہنے والے میچ میں کامیابی حاصل کی۔کوارٹر فائنل میچ میں روڈ کا مقابلہ میٹیو سے ہوگا۔ میٹیو آرنلڈی پہلے میچ میں مارکو ٹرنگیلیٹی کو 6-3، 6-0 سے شکست دے کر آخری آٹھ میں پہنچ گئے ہیں۔
