کھیل بہتر انسان بننے میں مدد دیتے ہیں | یونیسیف کے پروگرام میں سچن ٹندولکر کا اظہار خیال

نئی دہلی//یو این آئی// لیجنڈری کرکٹر اور یونیسیف کے جنوبی ایشیا کے علاقائی سفیر سچن ٹندولکر نے یونیسیف کی جانب سے منعقدہ عالمی یوم اطفال کے پروگرام میں بچوں کو کھیلوں کے میدان میں آگے بڑھنے کی تلقین کی اور بچوں سے کہا کہ کھیل ہمیں بہتر انسان بننے میں مدد دیتے ہیں۔انہوں نے کہا کہ یہ لڑکیوں اور خواتین کے لیے زیادہ اہم کردار ادا کرتا ہے ۔ کیونکہ یہ انہیں مزید طاقت سے لیس کرتا ہے ۔ اور اپنی پہچان بنانے کے لیے اعتماد بھرتا ہے ۔انہوں نے کہا کہ ” میں ہمیشہ یہ مانتا رہا ہوں کہ کھیل ہمیں بہت سی زنجیروں سے آزاد کرتے ہیں۔اس تقریب سے خطاب کرتے ہوئے ،محترمہ میتا راجیولوچن ، سکریٹری ، نوجوانوں کے امور اور کھیلوں کی وزارت ، حکومت ہند نے کہا ، ” نوجوانوں کے امور اور کھیل کی وزارت پورے ملک میں رضاکارانہ تنظیموں کے ذریعے نوجوانوں کی موزوں اور جامع بہبود اور ترقی پر توجہ مرکوز کرتی ہے ۔ آئیے آج ہم اس بات کو یقینی بنانے کا عہد کریں کہ اس ملک کے ہر بچے اور نوجوان کے پاس وسائل ، ہنر ، مواقع اور جگہ ہے کہ وہ ہندوستان کو روشن کل کی طرف لے جانے کے لیے اپنے خیالات کا اظہار کر سکے ۔اس موقع پر سیکڑوں بچے یونیسیف کے ایک پروگرام میں دہلی کے تیاگراج انڈور اسٹیڈیم میں جمع ہوئے ۔ 20 بچوں پر مشتمل ٹیم نے لیجنڈ کرکٹر اور یونیسیف کے علاقائی خیر سگالی سفیر سچن ٹنڈولکر اور بالی ووڈ اسٹار اور یونیسیف کی مشہور شخصیت ایڈوکیٹ آیوشمان کھرانہ کے ساتھ ایک دوستانہ فٹسال میچ کھیل کر برابری کا جشن منایا۔معروف موسیقار رکی کیج ، جو کہ یونیسیف کے لیے سیلیبریٹی ایڈوکیٹ بھی ہیں ، نے ایک کنسرٹ کیا۔ سو کے قریب بچوں نے تخلیقی طور پر ایک فن کا مظاہرہ کیا جس میں تنوع ، شمولیت اور مساوات میں اتحاد کو دکھایا گیا تھا ۔دو بار کے گریمی ایوارڈ یافتہ اور یونیسیف کے مشہور شخصیت کے حامی ، رکی کیج نے ملک بھر کے ورچوسو موسیقاروں کے ساتھ، بچوں اور دنیا کے مستقبل کے لیڈروں کے لیے خصوصی طور پر تخلیق کردہ آڈیو ویژول تجربہ پیش کیا۔ اس کا مقصد نہ صرف تبدیلی کی ترغیب دینا ہے بلکہ بچوں کو ان کی تخلیقی صلاحیتوں کو دریافت کرنے کی ترغیب دینا بھی ہے ۔