اشرف چراغ
کپوارہ//ٹماٹرو ں کی قیمت میں اضافے کے ضلع کپوارہ کے ایک دور دراز علاقہ ہچ مرگ میں ٹماٹرو ںکی فصل تیار ہونے میں 2ہفتے لگیں گے جس کے بعد ٹماٹروں کی بھاری کھیپ مارکیٹ میں آنے کی امید کی جارہی ہے ۔ہچ مرگ ضلع کا واحد گائو ں ہے جہا ں سبزیو ں کی کاشت کی جاتی ہے لیکن ٹماٹرو ں کی کاشت کی وجہ سے اس علاقہ کو ایک مقام حاصل ہے اور اسے ’ٹماٹر گائوں ‘ کہا جاتا ہے ۔ہچ مرگ کے کسانو ں کا لہنا ہے کہ وہ ہر سال قریب 2سوکنا ل ار اضی پر ٹماٹرو ں کی کاشت کرتے ہیں ۔ان کا کہنا ہے کہ پانی کی عدم دستیابی کی وجہ سے اس کی کاشت متا ثر ہوتی ہے کیونکہ علاقہ میں ٹماٹرو ں کی سینچائی بروقت نہیں ہو پاتی ۔ان کا کہنا ہے کہ محکمہ زراعت نے گزشتہ دو سالو ں کے دوران ہچ مرگ کا دورہ کر کے یہا ں کے کسانو ں کو ٹما ٹرو ں کی کاشت سے متعلق مکمل جانکاری فراہم کی اور ا سکے علاوہ سبزیو ں کی بیج اور گرین ہائو س فراہم کئے تاکہ اس فصل کو اگا نے میں زیا دہ سے زیا دہ لوگ وابستہ ہونگے ۔ان کسانو ں کا کہنا ہے کہ دو سال پہلے ہچ مرگ میں ٹماٹرو ں کی کاشت بڑے پیمانے پر ہوئی اور یہا ں کے کسانو ں نے بہتر قیمت بھی حاصل کی لیکن گزشتہ ایک دو سالو ں کے دوران کسانو ں کو ٹماٹرو ں کی فرو خت کرنے میں مشکلات پیش آئے ۔ان کا مزید کہنا ہے کہ اب اگست کے مہینے میں ٹماٹرو ں کی فصل کو بازارو ں میں فرو خت کیا جائے گا اور اس کے لئے کپوارہ اور بین ضلع منڈیو ں کی گا ڑیا ں یہا ں آکر ٹماٹرو ں کو منڈیو ں تک پہنچانے میں اہم رول ادا کریں گے ۔کسانو ں کا کہنا ہے کہ وہر سال ٹماٹرو ں کی فصل کو بڑے پیمانے پر تیار کرتے ہیں لیکن ٹما ٹرو ں کی یہ پیدا وار زیادہ ہونے اور منڈیو ں تک بر وقت رسائی نہ ہونے کے باعث ان کے ضائع ہونے کا بھی خدشہ رہتا ہے ۔ان کا کہنا ہے کہ اگر ہچ مرگ کے ٹما ٹرو ں کو ضلع کے مختلف علاقوں تک پہنچ جائیں گے تو لوگو ں کو ٹما ٹرو ں کی مہنگائی سے نجات مل سکتی ہے ۔ان کا کہنا ہے کہ اب یہا ں کے لوگو ں کے لئے ٹماٹرو ں کی پیدا وار ذریعہ معاش بن گیا ہے ۔اس دوران ڈائریکٹر زراعت کشمیر چودھری محمد اقبال نے کل کپوارہ ضلع کا ایک جامع دورہ کرکے ضلع کے زرعی منظرنامے کا جائزہ لیا ہے۔ انہوں نے ضلع کے کئی علاقوں میں دھان کے کھیتوں، سبزیوں کے کھیتوں سمیت زرعی فصلوں کے کھیتوں کا معائنہ کیا اور متعلقہ کسانوں سے بات چیت کی۔ہچی مرگ جسے ٹماٹر گاؤں کے نام سے جانا جاتا ہے ،میں ناظم زراعت نے کسانوں کے ساتھ تبادلہ خیال کیا اور متعلقہ کسانوں میں زرعی آلات تقسیم کئے۔انہوںنے ضلع کے ایف پی او ممبران کے اجلاس کی صدارت بھی کی جس میںمحکمہ کی سکیموں کے بارے میں آگاہی فراہم کرنے پر توجہ مرکوز کی گئی اور ایف پی او ممبران کو بیج، کھاد اور کیڑے مار ادویات کے لائسنس کے حصول کے بارے میں ضروری رہنمائی بھی فراہم کی گئی۔ڈائریکٹر ایگریکلچر نے جموں و کشمیر میں زرعی شعبے کی پائیدار ترقی کے حصول کے لیے محکمہ زراعت اور ایف پی او کے درمیان باہمی تعاون کی کوششوں کی اہمیت کو اجاگر کیا۔ ڈائریکٹر نے HADP کے کچھ کاموں کا دورہ کیا اور متعلقہ کسانوں سے مذکورہ کاموں کے بارے میں رائے لی۔
