اشرف چراغ
کپوارہ //لیفٹیننٹ گورنر منوج سنہا نے کہا ہے کہ منشیات کے خلاف جنگ طویل ہے اور کئی دہائیوں سے جموں کشمیر کے لوگوں نے منشیات اور ملی ٹینسی کو الگ الگ خطرات کے طور پر دیکھا ہے۔ ایل جی نے کہالیکن یہ دو مسائل نہیں بلکہ ایک ہی سانپ کے دو سر ہیں۔ ایک سر منشیات کے ذریعے پیسہ کماتا ہے جبکہ دوسرا اس رقم کو ملی ٹینسی کو ہوا دینے کے لیے استعمال کرتا ہے۔لیفٹیننٹ گورنر نے کہاکہ ہمارا پڑوسی منشیات کی سمگلنگ کے ذریعے ملی ٹینسی کی مالی معاونت میں ملوث ہے، منشیات اور پیسہ دونوں کو معصوم کشمیریوں کے خلاف استعمال کر رہا ہے ۔
لیفٹیننٹ گورنر نے مزید کہا کہ منشیات کی سمگلنگ خاندانوں اور برادریوں کو تباہ کر رہی ہے اور یہ ملی ٹینٹ گروہوں کو آکسیجن فراہم کر رہی ہے۔ انہوں نے کہا کہ منشیات کی سمگلنگ کے نیٹ ورکس کو ختم کر کے انتظامیہ ملی ٹینسی کی آگ کو ہوا دینے والی لائف لائن کو کاٹ رہی ہے۔لیفٹیننٹ گورنر کپواڑہ میں نشا مکت مہم پد یاترا میں شامل ہوئے اور ایک عوامی اجتماع سے خطاب کیا۔انہوںنے کہا کہ گزشتہ 32 دنوں میں سول اور پولیس انتظامیہ نے منشیات کی سمگلنگ کے پورے ایکو سسٹم کو تباہ کن دھچکا پہنچایا ہے اور یہ عوامی تحریک منشیات کے خلاف انقلاب میں تبدیل ہو رہی ہے۔لیفٹیننٹ گورنر نے کہا، “ہماری مسلسل کارروائی منشیات کے ملی ٹینٹ نیٹ ورکس کو تباہ کر رہی ہے۔ کروڑوں کی جائیدادیں ضبط کی گئی ہیں، اثاثے ضبط کیے گئے ہیں، اور 15 سمگلروں کے پاسپورٹ منسوخ کرنے کی سفارش کی گئی ہے۔ 730 سے زیادہ سمگلروں اور پیڈلرز کو گرفتار کیا گیا ہے،” ۔
انہوں نے کہا کہ اپریل میں اس مہم کے آغاز پر، بہت سے لوگوں نے منشیات کے خلاف عوامی تحریک کے امکان پر شک کیا اور بیدار عوام کی طاقت اور شہریوں کی حمایت کے ساتھ پرعزم حکمرانی کے اثرات کو کم سمجھا۔انکا کہنا تھا کہ”مرکز کے زیر انتظام علاقے میں لوگوں کی شرکت اور بڑے پیمانے پر حمایت کے ساتھ، واقعی ایک نامیاتی تحریک دیہاتوں، شہری محلوں، اسکولوں، کالجوں اور جموں کشمیر کی گلیوں میں ابھری ہے‘‘۔انہوں نے کہا ’’ میں پولیس افسران، کپواڑہ کی سرحدوں کی حفاظت کرنے والے سپاہیوں، اور انسداد منشیات ٹاسک فورس کے اہلکاروں سے گزارش کرنا چاہتا ہوں کہ ایک بھی قصوروار کو بچنا نہیں چاہیے۔ سرحدی ضلع ہونے کے ناطے، کپواڑہ کو چاہیے کہ وہ منشیات فروشوں کے خلاف سخت ترین کارروائی کریں۔” ۔لیفٹیننٹ گورنر نے کہا”منشیات کے عادی افراد کو ہماری ہمدردی کی ضرورت ہے۔ وہ ہماری ذمہ داری ہیں۔ ہمیں کونسلنگ یا علاج کے خواہاں ہر نوجوان اور عورت کی مدد کرنا ہے، ہمیں یہ یقینی بنانا چاہیے کہ وہ معاشرے کے مرکزی دھارے میں واپس آئیں۔” ۔لیفٹیننٹ گورنر نے نشا مکت ابھیان پر تنقید کرنے والوں کو چیلنج کیا اور کہا کہ وہ صرف ایک بے گناہ کا نام بتائیں جسے غیر منصفانہ طور پر نشانہ بنایا گیا ہے اور اس کے خلاف موثر کارروائی کی جائے گی۔ انہوں نے کہا کہ اگر کوئی منشیات کے سمگلروں کو بچانے کی کوشش کر رہا ہے تو ہمیں خود سے پوچھنا چاہیے کہ کیا انہیں اس کے نتائج بھگتنا ہوں گے یا نہیں؟ لیفٹیننٹ گورنر نے کہا کہ جموں کشمیر کے لوگ بہت واضح اور مضبوط ہیں اور وہ منشیات کے اسمگلروں کے خلاف سخت کارروائی چاہتے ہیں اور جب عوام متحد ہو جائیں گے تو کوئی طاقت ہمیں نہیں روک سکتی۔
