واشنگٹن / ریو ڈی جنیرو / نئی دہلی/یواین آئی// جان لیوا اور مہلک ترین عالمی وبا کوووڈ19سے دنیا میں سب سے زیادہ متاثر امریکہ ، برازیل اور ہندوستان ہے جہاں ان تینوں ممالک میں اب تک اس وبا سے ساڑھے چھ لاکھ جبکہ دنیا میں اب تک 1,725,276 لاکھ افراد لقمہ اجل بن چکے ہیں۔امریکہ میں سب سے زیادہ تعداد 322589 مریضوں کی کی موت ہوچکی ہے جبکہ برازیل میں 188259 اور ہندوستان میں 146111 ہلاکتیں ہوئیں ہیں ۔ جان لیوا وبا کورونا وائرس سے ان تینوں ممالک میں مجموعی طور پر 656959 افراد ہلاک ہوچکے ہیں۔امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق کورونا وائرس نے اب تک دنیا کے 191 ممالک میں 7 کروڑ 79 ہزار 578 افراد کو متاثر کیا جبکہ 1,725,276 مریض لقمہ اجل بن چکے ہیں۔ کورونا سے سب سے زیادہ متاثرہ ریاستہائے متحدہ امریکہ میں متاثرہ افراد کی تعداد ایک کروڑ 82 لاکھ کو عبور کرچکی ہے جبکہ 322589 افراد ہلاک ہوچکے ہیں۔کورونا وائرس سے متاثر ہونے کے معاملہ میں دنیا کا دوسر املک ہندوستان ہے جہاں کورونا متاثرین کی تعداد ایک کروڑ سے بڑھ کر کے 10099066 ہوچکی ہے جبکہ 96.63لاکھ سے زیادہ افراد شفایاب ہوچکے ہیں۔ نئے کیسز کے مقابلہ میں صحت مند افراد کی زیادہ تعدادسے فعال کیسز 2.89 لاکھ پر ہوگئے ہیں ، جبکہ مرنے والوں کی تعداد 146444 ہوگئی ہے ۔برازیل میں کورونا وائرس سے متاثرہ افراد کی تعداد بڑھ کر 73.18 لاکھ سے زیادہ ہوگئی ہے اور 65 لاکھ سے زیادہ مریض شفایاب ہوئے ہیں جبکہ اس وبا نے 188259 مریضوں کو ہلاک کیا ہے ۔ روس میں کورونا سے متاثرہ افراد کی تعداد 28.50 لاکھ سے تجاوز کرچکی ہے۔
کورونا وائرس سے امریکہ ، برازیل اور ہندوستان میں ساڑھے 6لاکھ مریض ہلاک
