کنگن+گاندربل// کنگن اور گاندربل میں پولیس اور محکمہ جنگلات نے بھاری مقدار میں غیر قانونی عمارتی لکڑی ضبط کرکے تین افراد کو گرفتار کرلیا ۔ ایس ڈی پی او یاسر قادری کی نگرانی میں لامن بابا نگری وانگت میں پولیس نے بھاری مقدار میںعمارتی لکڑی ضبط کی جسے غیر قانونی طور کاٹا گیا تھااور ایک شخص کو گرفتارکرلیا۔ ایس ڈی پی اویاسر قادری نے اس واقع کی تصدیق کرتے ہوئے بتایا کہ ایک مصدقہ اطلاع ملنے پر پولیس نے لامن بابا نگری میں چھاپہ مارکارروائی کے دوران بھاری مقدار میں غیر قانونی عمارتی لکڑی ضبط کی۔انہوں نے کہا کہ اس سلسلے میں ایک شخص کو بھی گرفتار کرلیا گیا۔گاندربل کے علاقہ آرہامہ میں دوران شب محکمہ جنگلات کے عہدیداروں نے غیر قانونی طور پر کاٹی گئی لکڑی ضبط کرتے ہوئے دو افراد کی گرفتاری عمل میں لائی۔پولیس بیان کے مطابق مدثر احمد گنائی، معشوق احمد ڈاراور امتیاز احمد ڈار نامی تین ملزموں کے قبضے سے غیر قانونی طور پر فروخت کی جانے والی لکڑی ضبط کی گئی اور ان کے خلاف کیس زیر نمبر 79/2021 درج کرکے مزید تحقیقات شروع کردی گئی۔
کنگن اور آرہامہ میں عمارتی لکڑی ضبط،3افراد گرفتار
