کشمیر پریس کلب کے نام پر کوئی ادارہ رجسٹر نہیں:مرکز

نئی دہلی//جموں کشمیر میں’ کشمیر پریس کلب‘ کے نام سے کوئی ادارہ سوسائٹیز رجسٹریشن ایکٹ 1860 کے تحت درج نہیں ہے۔اس بات کااظہاروزیرمملکت برائے امورداخلہ نتیانندرائے نے لوک سبھامیں کیا۔انہوں نے کہا کہ  جموں کشمیرکے ایسٹیٹس ڈیپارٹمنٹ نے 17جنوری کو مجسٹریٹ کی موجودگی میںوہ عمارت اپنے تحویل میں لی ہے جہاں سے کشمیر پریس کلب کام کرتاتھااوراس سرکاری عمارت کے تحفظ پر حفاظتی اہلکارمامور ہیں ۔رائے نے کہا حکومت اظہارتقریر اوررائے کی آزادی کویقینی بنانے کیلئے پرعزم ہے جوبھارت کے آئین میں دفعہ19میں دی گئی ہے۔اس وقت کشمیرپریس کلب کے نام سے کوئی بھی ادارہ رجسٹر نہیں ہے یامنتخب منیجنگ باڈی رجسٹر نہیں ہے کیوں کہ رجسٹرڈباڈی کاوجودختم ہواہے اوروہ سوساٗٹیزرجسٹریشن ایکٹ1860کے تحت خود کودرج کرانے میں ناکام ہوئی ہے۔