کشمیری زبان کافروغ،ترال کااستاد بنکاک میں ایوارڈ سے سرفراز

ترال// ترال سے تعلق رکھنے والے ایک استاد کو کشمیری زبان کو فروغ دینے کے پیش نظر ایک غیر سرکاری تنظیم کی جانب سے بنکاک کی ایک یونیورسٹی میں ایوارڑ سے نوازا گیا۔ گلشن پورہ ترال سے تعلق رکھنے والے کشمیری زبان کے معروف لیکچرر میر سجاد ولدعبد السلام میر کو کشمیری زبان کے فروغ کے لئے انفردی اور اجتماعی سطح پر کام کرنے پر انٹر نیشنل ایسو سی ایشن آف ریسرچ اینڈ ڈیو لپمنٹ آرگنائزیشن (آئی اے آرڈی او)کی جانب سے بنکاک یونیورسٹی میں ایک تقریب پر ایوارڑ سے نوازا ۔میر سجادگورنمنٹ ڈگری کالج ترال میںتعینات ہیںجوکشمیری زبان کے فروغ کے لئے خواہش مند طلاب کو مفت کوچنگ فراہم کرتے ہیں۔