ڈی ڈی سی رکن نے واٹر سپلائی سکیموں کا جائزہ لیا

نوشہرہ //نوشہرہ سب ڈویژن کے سیری بلاک کی ضلع ترقیاتی کونسل رکن نے بلاک میں کئی واٹر سپلائی سکیموں کا جائزہ لیا ۔واٹر سپلائی سکیموں کے اچانک معائینہ کے بعد انہوں نے محکمہ جل شکتی کے ملازمین کو ہدایت جاری کرتے ہوئے کہاکہ لوگوں کو پانی کی مناسب سپلائی فراہم کرنے کیلئے ترجیح بنیادوں پر اقدامات اٹھائے جائیں ۔ضلع ترقیاتی کونسل رکن سنگیتا شرما سرحدی علاقہ میں مختلف واٹر سپلائی سکیموں کا مکمل معائینہ کیا ۔موصوفہ نے کہاکہ جن سکیموں سے عوام کو آلودہ پانی سپلائی کیاجارہا ہے انکے ٹینکوں کو جلد ازجلد صاف کیا جائے تاکہ عوا م کو پینے کا صاف پانی معقول مقدار میں دستیاب ہو سکے ۔اس کے علاوہ موصوفہ نے علاقہ میں عوامی مسائل کا جائزہ بھی لیا گیا ۔