سرینگر//ڈی ڈی سی انتخابات کے آخری مرحلے کی ووٹنگ میں سنیچر کو صبح گیارہ بجے تک جموں کشمیر میں26.07فیصد ووٹنگ ریکارڈ کی گئی ہے۔
ووٹنگ صبح سات بجے شروع ہوئی اور یہ دوپہر دو بجے تک جاری رہے گی۔
سرکاری اعداد و شمار کے مطابق وادی کشمیر کے ضلع پلوامہ میں 11 بجے تک4.35فیصد،بارہمولہ میں25.56فیصد،کولگام میں4.66فیصد،شوپیان میں3.71فیصد،اننت ناگ میں4.63فیصد،بانڈی پورہ میں30.77فیصد،کپوارہ میں33.43فیصد اور بڈگام ضلع میں19.10فیصد ووٹنگ درج کی گئی۔
اسی طرح صوبہ جموں کے کشتواڑ ضلع میں پہلے چار گھنٹوں کی پولنگ کے دوران 34.15فیصد ،اُدھمپور میں24.56 فیصد،جموں میں36.64،کٹھوعہ میں34.45فیصد،رام بن میں36.14فیصد،ڈوڈہ میں34.02فیصد، سانبہ میں42.01فیصد،پونچھ میں14.86فیصد،راجوری میں40.68فیصد اور ریاسی ضلع میں41.87فیصد ووٹنگ ریکارڈ کی گئی۔
سرکاری اعداد و شمار میں مزید بتایا گیا کہ وادی کشمیر میں پہلے چار گھنٹوں کی پولنگ کے دوران مجموعی طور16.08فیصد جبکہ صوبہ جموں میں اسی مدت کے دوران 36.37فیصد ووٹنگ ریکارڈ کی گئی۔
یاد رہے کہ آج ڈی ڈی سی انتخابات کے آخری مرحلے کی ووٹنگ ہورہی ہے۔
