ڈوڈہ میں کورونا سے مزید3اموات

 ڈوڈہ //ڈوڈہ ضلع میں کورونا وائرس کے 13 نئے مثبت کیس سامنے آئے ہیں اور 26 مریض صحتیاب ہوئے ہیں اور 3 افراد فوت ہوئے ہیں۔اطلاعات کے مطابق ڈوڈہ، بھدرواہ، ٹھاٹھری، عسر و گندوہ میں ہوئی کووڈ جانچ کے دوران 13 افراد کی ٹیسٹ رپورٹ مثبت آئی ہے اور اس طرح سے ضلع میں فعال کیسوں کی تعداد 218 و شفایاب ہوئے مریضوں کی مجموعی تعداد 6517 پہنچ گئی ہے۔اس دوران پچھلے چوبیس گھنٹوں میں گورنمنٹ میڈیکل کالج ڈوڈہ میں 3 افراد فوت ہوئے ہیں۔ ضلع میں کورونا وائرس سے اب تک 117 اموات درج کی گئی ہیں اور 140000کے قریب افراد کو ٹیکے لگائے گئے ہیں۔
 
 

 کووڈ ایس او پیز کی خلاف ورزی پر 52ہزار کاجرمانہ

 رام بن میں2026 ٹیکے لگائے گئے ، 1359 نمونے جمع

رام بن// ضلع رام بن میں کوویڈ پروٹوکول کے نفاذ کے لئے مہم کو جاری رکھتے ہوئے انفورسمنٹ ٹیموں نے چہرے کے ماسک پہنے بغیر گھومنے اور جسمانی فاصلہ برقرار نہ رکھنے پر متعدد خلاف ورزی کرنے والوں کو جرمانہ عائد کیا۔انفورسمنٹ ٹیموں نے اپنے اپنے دائرہ اختیارات میں معائنہ کے دوران 51ہزار700 روپے جرمانہ وصول کیا۔انفورسمنٹ افسران نے لوگوں سے اپیل کی کہ وہ چہرے کے ماسک پہنیں اور جسمانی فاصلہ برقرار رکھیں اس کے علاوہ وہ اپنے قریبی سی وی سی میں کوویڈ ویکسی نیشن کی خوراکیں لیں۔ڈسٹرکٹ امیونائزیشن آفیسررامبن ڈاکٹر سریش نے بتایا کہ جمعہ کے روز ضلع رمبان میں 2026 افراد کو پہلی اور دوسری کوویڈ ویکسین کی دوائیاں دی گئیں۔چیف میڈیکل آفیسرڈاکٹر محمد فرید بھٹ کی طرف سے جاری کردہ روزانہ بلیٹن کے مطابق ، محکمہ صحت نے 1359 نمونے جمع کیے ہیں جن میں 362 آر ٹی-پی سی آر اور 997 آر اے ٹی نمونے شامل ہیں ، اس کے علاوہ ضلع میں ویکسینیشن مراکز میں 2026 افراد کو کوڈ ویکسین فراہم کی گئی ہے۔