بڈگام//ارشاداحمد//بڈگام کے علاقہ بیروہ سے ملحقہ چیوہ میں سرپنچ کو فون پر نامعلوم افراد کی جانب سے جان سے مارنے کی دھمکیاں ملنے پر پولیس نے باضابطہ کیس درج کرکے تحقیقات شروع کردی ہے۔بڈگام کے علاقہ بیروہ سے ملحقہ چیوہ میں مقامی سرپنچ غلام حسن کو نامعلوم افراد کی جانب سے موبائل فون پر مبینہ طور پر سرپنچ کے عہدے سے مستعفی ہونے کا اعلان کرنے کو کہا گیا۔انکار کرنے پر جان سے مارنے کی دھمکیاں ملنے پر سرپنچ نے پولیس تھانہ بیروہ سے رابطہ کرکے نامعلوم افراد کے خلاف شکایت درج کی جس پر پولیس نے فوری کارروائی کرتے ہوئے دھمکی آمیز فون کرنے کی بنیاد پر کیس زیر نمبر 21/2021 درج کرکے نامعلوم افراد کی تلاش شروع کردی۔اس بارے میں پولیس کے اعلیٰ حکام نے کشمیر عظمیٰ کو تصدیق کرتے ہوئے کہا کہ نامعلوم افراد نے چیوہ کے مقامی سرپنچ کو جان سے مارنے کی دھمکی دی ہے جس کے خلاف باضابطہ کیس درج کرکے تحقیقات شروع کردی گئی ہے۔
چیوہ بیروہ کے سرپنچ کو جان سے مارنے کی دھمکی
