چنڈک۔ بڈھا امرناتھ سڑک پر تار کول بچھانے کا عمل شروع

پونچھ //چنڈک تا منڈی بڈھا امرناتھ سڑک پرمحکمہ تعمیرات عامہ کی جانب سے تار کول بچھانے کا عمل زور و شور سے جاری ہے جس پر مقامی عوام اور یاترا پر آنے والے یاتری خوشی کا اظہار کر رہے ہیں۔مقامی شہریوں کا کہنا ہے کہ طویل عرصہ کے بعد چنڈک تا منڈی بڈھا امرناتھ سڑک کی خستہ حالی سے عوام کافی پریشانیوں کا سامنا کررہے تھے کیونکہ انہیں 20 منٹ کا سفر ایک گھنٹے میں طے کرنا پڑھتا تھا۔انھوں نے کہا لیکن اب اس سڑک پر تارکول بچھائے جانے کی وجہ سے انکی مشکلات کا کم ہوتی نظر آرہی ہیں۔لوگوں کا کہنا تھا کہ اس سڑک پر تارکول بچھانے کا کام اچھے طریقے سے کروایا جا رہا ہے جس کے لئے وہ  انجینئرمحمد رفیق چستی کا شکریہ ادا کرتے ہیںجن کی کاوشوں کی وجہ سے طویل عرصہ کے بعد سڑک پر تار کول بچھانے کا عمل شروع کیا گیا ہے۔غور طلب ہے کہ ضلع پونچھ کی اکثر رابطہ سڑکیں انتہائی خستہ حالی کا شکارہ ہو گئی ہیں جس کی وجہ سے جہاں مکینوں کو مشکلات درپیش ہیں وہیں ٹرانسپورٹروں کو بھی کئی طرح کے مسائل کا سامنا کرناپڑرہا ہے۔لوگوںنے بتایا کہ کئی ایک دیہات ائے ہیں جن کی سڑکیں پیدل چلنے کے قابل بھی نہیں ہیں تاہم ضلع ترقیاتی کمشنرپونچھ کی قیادت میں علاقہ میں تعمیراتی عمل شروع کئے گئے ہیں جن کو دیکھتے ہوئے وہ پُر امید ہیں کہ اب ان سڑکوں کی حالت بہتر ہوگی۔لوگوں نے مانگ کرتے ہوئے کہاکہ سڑک پر تار کول کے عمل کو مکمل کرنے کیساتھ ہی نالیوں کا بندوبست بھی کیا جائے تاکہ ان کی دقتیں کم ہو سکیں۔