پی ڈی پی ۔بی جے پی حکومت ناکام

جموں//نیشنل کانفرنس کے سینئر نائب صدر و سابق وزیر سرجیت سنگھ سلاتھیہ نے کہا ہے کہ موجودہ پی ڈی پی۔ بی جے پی مخلوط سرکار ہر محاذ پر ناکام ہوچکی ہے اور اس سرکار نے عوام سے جو وعدے کئے تھے ،ان میں سے ایک بھی وعدہ پورہ نہیں کیا گیا اور تعمیر و ترقی کا عمل ٹھپ ہوکر رہ گیا ہے ۔خطہ اور فرقہ وارانہ بنیادوں پر ایک علاقے کے لوگوں کو دوسرے علاقوں کے لوگوں کے ساتھ لڑانے کی کوشش کی جارہی ہیں ۔ سلاتھیہ نے ان خیالات کا اظہار بڑی براہمناں کے موضع برجانی میں عوام سے خطاب کرتے ہوئے کیا ۔انہوں نے کہا کہ بی جے پی اور پی ڈی پی کے قول و فعل میں زبردست تضاد پایا جارہا ہے اور ریاست میں تعمیر و ترقی کے کام کا عمل تھم کر رہ گیا ہے۔انہوں نے کہا کہ ماضی میں عمر عبداللہ کی قیادت والی سرکار نے ریاست میں تعمیر و ترقی اور عوام کی فلاح و بہبود سے متعلق جو سکیمیں اور منصوبے مرتب کئے تھے انہیں پس پشت ڈال دیا گیا ہے۔اس موقعہ پر نیشنل کانفرنس کے جو رہنما موجود تھے ان میں دھرم ویر سنگھ جموال،پردیپ بالی ، وجے لوچن،عبدالغنی تیلی،نار سنگھ لیبر یونین لیڈر،ضلع صدر مہندر سنگھ گپتا،ضلع نائب صدر وجے سنگھ،بلاک صدر بھگوان سنگھ،ضلع یوتھ صدر ئیس ملک،رمن گپتاسابق چئیرمین میونسپل کارپوریشن بڑی براہمناںاور دیگران موجود تھے۔