سرینگر//جموںوکشمیر یوٹی میںنیشنل ایمونائزیشن دِن 2022ء ( پولیو راویوار) کا اہتمام کیا گیا ۔ڈائریکٹر جنرل فیملی ویلفیئر ایم سی ایچ اینڈ ایمونائزیشن ڈاکٹر سلیم الرحمان کے مطابق پہلے دِن 0سے 5برس عمر کے 17,26,674 ( 88فیصد) بچوں کو 19,63,949 ہدف آبادی کے مقابلے میں پولیو قطرے پلائے گئے ۔ صوبہ کشمیر میں 10,17,130 اور جموں صوبہ میں 7,09,544 بچوں کو پولیو حفاظتی قطرے پلائے گئے ۔اُنہوں نے کہا کہ اگلے دو دِنوں تک یہ مہم گھر گھر جاری رہے گی تاکہ پورے جموںوکشمیر یوٹی میں بچوں کو صد فیصد حفاظتی ٹیکوں کاہدف حاصل کیا جاسکے ۔اہل آبادی کی اَحسن کوریج کے لئے 43,270 تربیت یافتہ ہیلتھ ورکروں اور ویکسین نیٹروں کے علاوہ 10,879 بوتھ قائم کئے گئے اور 2,236 سپر وائزروں کو پورے جموںوکشمیر میں پولیو مہم کے کامیاب خاتمے کے لئے تعینات کیا گیا۔ مزید برآں، اِس مہم کے لئے 431 موبائل اور 772 ٹرانزٹ ٹیمیں بھی تعینات کی گئی ہیں ۔ اس کے علاوہ جموں وکشمیریوٹی میں مقررہ بوتھوں پر پلس پولیو کی خوراک(ویکسین) کی مناسب مقدار دستیاب رکھی گئی ہے۔
پلس پولیو پروگرام | جموں وکشمیر میں 17,26,674 بچوں کو قطرے پلائے گئے
