اشتیاق ملک
ڈوڈہ //ٹریفک قوانین کی خلاف ورزی کے الزام میں محکمہ ٹرانسپورٹ نے پچھلے تین ماہ میں ڈوڈہ ضلع میں 22 کمرشل ڈرائیوروں کے لائسنس تین ماہ کی مدت کے لئے معطل کئے ہیں تفصیلات کے مطابق اے آر ٹی او ڈوڈہ راجیش گپتا کی قیادت میں موٹر وہیکل ڈیپارٹمنٹ نے ضلع بھر میں ٹریفک قوانین عمل آوری کو یقینی بنانے و خلاف ورزی کرنے والے ڈرائیوروں کے خلاف وسیع پیمانے پر مہم شروع کی ہے اور پچھلے تین ماہ کے دوران تیز-رفتاری، اؤرلوڈنگ، سیٹ بیلٹ نہ پہننے ،ایچ ایس آر پی پلیٹس و دیگر ضروری لوازمات کی کمی کی پاداش میں 22 کمرشل ڈرائیوروں کے لائسنس تین ماہ کے عرصے کے لئے معطل کئے ہیں جبکہ 128 ڈرائیوروں کا چالان و 351500 روپے جرمانہ عائد کیا ہے۔ اے آر ٹی او نے ڈرائیوروں سے ٹریفک قوانین پر عملدرآمد کرنے و عوام سے بہتر ٹریفک نظام بنانے کے لئے مکمل تعاون طلب کیا ہے۔واضح رہے کہ ڈوڈہ ضلع میں ہر سال سینکڑوں سڑک حادثات میں درجنوں افراد اپنی جانیں گنوا بیٹھتے ہیں اور کثیر تعداد میں لوگ عمر بھر کے لیے معذور بن جاتے ہیں جس کے لیے خراب سڑکیں، ناکارہ گاڑیوں، تیز-رفتاری، اؤرلوڈنگ و حکام کی عدم توجہی کو ذمہ دار ٹھہرایا جاتا ہے۔
