تھنہ منڈی // جمعہ کے روز تھنہ منڈی سڑک پر سوڑہ کے مقام پر وزیر برائے تعمیرات کا سنگ بنیاد والا پتھر غائب ہوگیا۔وزیر برائے تعمیرات نعیم اختر اور ممبر اسمبلی راجوری ایڈووکیٹ قمر حسین چوہدری نے سوڑہ پل کے مقام پر دو سڑکو ں کو مکمل کر نے کا سنگ بنیاد رکھا۔ سڑک سوڑہ تا بہروٹ گلی اور سوڑہ تا شاہدرہ شریف تک تعمیر ہوناہے جن کی لمبائی 15 کلو میٹر ہے۔تاہم سنگ بنیاد رکھنے کے چند گھنٹوں بعد یہ پتھر غائب ہوگیا۔محکمہ تعمیرات عامہ کے آفیسران کے مطابق جب وہ واپس شاہدرہ شریف سے راجوری کے لئے گئے تو اسوقت یہ پتھر موجود تھا۔ اے ای ای آفتاب سمیال کے مطابق اسکی گمشدگی کی رپورٹ پولیس تھنہ منڈی کو دی گئی ہے اور تحقیقات کی جارہی ہیں ۔وہیں پولیس نے اس معاملے کی تحقیقات شروع کردی ہے ۔
وزیر تعمیرات عامہ کے نام کی تختی غائب
