نواکدل اور واتل کدل آتشزدگی متاثرین | دارالخیر نے9کنبوں میں امداد تقسیم کی

سرینگر//دارالخیر میرواعظ منزل نے نواکدل اور واتل کدل میں 9آتشزد گان متاثرین امداد فراہم کی۔ دارالخیر میرواعظ منزل کے نظر بند رکھے گئے سرپرست اعلیٰ میر واعظ عمرفاروق کی ہدایت پر ایک وفد، جس کی قیادت دارالخیر کے رکن مفتی غلام رسول سامون کررہے تھے ، نے نواکدل اور واتل کدل جاکر9 متاثرہ کنبوں میں چاول ، آٹا،کمبل اور کچن کٹ(Kitchen kit) وغیرہ اور بنیادی ضروریات کی چیزیں بطور امداد پیش کیں اور ان کے ساتھ دارالخیر کی جانب سے ہمدردی اور یکجہتی کا اظہار کیا۔دارالخیر میرواعظ منزل نے یہ بات پھر واضح کی ہے کہ ملت کشمیر اس حقیقت سے باخبر ہے کہ دارالخیر اپنے قیام کی مدت سے لیکر آج تک برابر اپنے مخلصین کی مالی اور جنسی معاونت سے برا بر آفات سماویہ و ارضیہ کے دوران بلا امتیاز مذہب و ملت متاثرین کی حتی المقدور امداد اور بحالی کیلئے اپنی کوششوں میں مصروف عمل ہے۔اس ضمن میں دارالخیر میرواعظ منزل نے اہل ثروت حضرات سے ماضی کی طرح اس ملی ادارے کی ہر ممکن مدد اور معاونت کی اپیل دہرائی ہے تاکہ امدادی کام جاری رکھا جاسکے۔